У Беларусі забаранілі прадаваць пральны парашок айчыннай вытворчасці
Дзяржстандарт унёс пральны парашок April Evolution аўтамат Color Protection у рэестр небяспечнай прадукцыі. Яго вырабляе парфумерна-касметычная фабрыка «Сонца» ў Асіповічах.
Спецыялісты Дзяржстандарту праверылі сродак і прыйшлі да высновы, што парашок нельга выкарыстоўваць у пральных машынах любога тыпу, хоць маркіроўка сцвярджае, што можна. Прычына — занадта вялікае ўтварэнне пены.
Акрамя таго, паказчык «мыйная здольнасць» пры норме не менш за 85% для парашкоў склаў 79,8%.
З 11 студзеня гэтага парашка не павінна быць на паліцах беларускіх крам.
Каментары