Бацька чацвярых дзяцей у Івацэвіцкім раёне публічна адмовіўся ад іх
Жыхара Івацэвіцкага раёна пазбавілі бацькоўскіх правоў на чацвярых непаўналетніх дзяцей за ігнараванне пытанняў іх выхавання і працяглае ўхіленне ад выплаты аліментаў. Пра гэты выпадак распавяла служба інфармацыі пракуратуры Брэсцкай вобласці.
Падчас разгляду справы ў судзе мужчына «выказаў поўную абыякавасць да сваіх дзяцей, адсутнасць зацікаўленасці ў іх добрым здароўі, маральным і фізічным развіцці, а таксама нежаданне ў далейшым аказваць ім бацькоўскі клопат і падтрымку». У ходзе працэсу мужчына заявіў, што «лепш сядзе ў турму, чым будзе плаціць аліменты на дзяцей».
У пракуратуры нагадваюць, што пазбаўленне бацькоўскіх правоў — гэта выключная мера, якая прымяняецца для прадухілення негатыўных наступстваў у развіцці і сацыяльнай адаптацыі дзяцей.
Праверка паказала, што мужчына неаднаразова прыцягваўся да крымінальнай і адміністрацыйнай адказнасці, мае вялікую запазычанасць па аліментах. Цяпер ён адбывае пакаранне ў выглядзе пазбаўлення волі.
Акрамя таго, раней было прызнана, што дзеці знаходзяцца ў сацыяльна небяспечным становішчы праз злоўжыванне іх бацькам спіртнымі напоямі. Мужчына доўгі час нідзе не працаваў і канфліктаваў з членамі сям’і.
Суд Івацэвіцкага раёна задаволіў пазоў аб пазбаўленні бацькоўскіх правоў у дачыненні да чацвярых непаўналетніх дзяцей у поўным аб'ёме.
-
Іранка адкрыла ў Мінску арт-кафэ. Там прадаюць рэчы ручной работы і падаюць капучына з шафранам
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Агрофюрер споил белорусских мужчин.... Абыякавасць да жыцця...