Пераможцам чацвёртага сезона шоу «Фактар.by» стаў Віталь Багданаў
Віталь — не прафесійны артыст. Яго прафесійная сфера — дрэваапрацоўка.
Чацвёрты сезон музычнага праекта «Фактар.by» завяршыўся перамогай Вольгі Бузавай і яе падапечнага Віталя Багданава, піша Tochka.by.
Усё вырашылася ў суперфінале, які трансляваўся ў прамым эфіры па тэлебачанні 24 студзеня. Менавіта гледачы павінны былі вызначыць, хто з удзельнікаў найбольш варты галоўнай узнагароды.
За перамогу спрачаліся тры выканаўцы — Самір Елчыеў і Віталь Багданаў з каманды Вольгі Бузавай, а таксама Дыяна Лугіна з каманды Стаса Ярушына.
Адкрываў шоу Віталь.
На кастынгу ён выконваў песню Supergirl групы Reamon. Па правілах суперфіналу, Віталь павінен быў зноў выканаць гэтую кампазіцыю і паказаць, як ён развіўся за час праекта.
Цікавы факт: Віталь — не прафесійны артыст. Яго прафесійная сфера — дрэваапрацоўка.
Пасля Віталя на сцэну выйшла Дыяна Лугіна з каманды Ярушына. 37-гадовая вядучая святаў з Баранавіч выканала песню «Любоў і адзінота» Ларысы Долінай.
Наступным выступаў Самір Елчыеў, 22-гадовы ўдзельнік з каманды Бузавай. Ён выбраў песню «Дзяўчынка, дзяўчына, жанчына», якую ў арыгінале спявае Аляксей Чумакоў.
Па правілах конкурсу кожны ўдзельнік павінен быў яшчэ раз выйсці на сцэну і выканаць песню ў абраным самастойна жанры.
У выніку: Віталь Багданаў выканаў песню «Знаеш» — візітную картку ўкраінскага выканаўцы Раждэна. Самір Елчыеў выбраў «Вуліцу руж» гурта «Арыя». Дыяна Лугіна прадставіла «На Тытаніку», якая вядомая перш за ўсё дзякуючы Лаліце.
Лёс удзельнікаў вырашалі гледачы, якія маглі дасылаць SMS або тэлефанаваць па спецыяльных нумарах у прамым эфіры.
Перамога дасталася Віталю. Ён атрымаў ключы ад новенькага Belgee і крышталёвую статуэтку, якія яму ўручыў кіраўнік Белтэлерадыёкампаніі Іван Эйсмант.
Другое месца паводле вынікаў галасавання заняў Самір Елчыеў, трэцяе — Дыяна Лугіна.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?3
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары