Пра смерць бабруйскага фотамастака Уладзіміра Шарнікава паведаміў канал «Навіны Бабруйска».
Уладзімір Шарнікаў
Уладзімір Шарнікаў нарадзіўся ў Бабруйску ў 1952 годзе. Сын удзельніка вайны, ён пасля школы паступіў у вайсковае вучылішча.
Служыў у Афганістане. Адтуль засталіся сотні фатаграфій, якія можна было пабачыць на яго фотавыставах і ў СМІ.
Уладзімір Шарнікаў абышоў пешшу і аб'ездзіў на веласіпедзе тысячы населеных пунктаў Беларусі, каб захаваць на фотаздымках краіну, якую мы яшчэ не страцілі.
Фота: Уладзімір Шарнікаў
Развітанне з Уладзімірам Шарнікавым пройдзе 5 лютага з 14:00 да 16:00 у рытуальнай зале па вул. Ракасоўскага, 78 у Бабруйску. Пахаванне — на могілках у Бярозавічах.
Каментары