Сённяшні марозны ранак у жыхароў дома «Таронта», размешчанага ў жылым квартале «Мінск-Свет», пачаўся далёка не з прыгожага світанку. На апошнім паверсе жылога дома загучала сігналізацыя і здарыўся патоп, што моцна напалохала людзей, якія збіраліся на працу і нічога не падазравалі, піша Onliner.by.
На відэа, якія жыхары дома «Таронта» даслалі Onlíner і размясцілі ў тэлеграм-канале «Мінск Мір. Дана Фантана», відаць, што моцны паток вады льецца вадаспадам з адтулін у столі. Усяго за некалькі хвілін вада запоўніла месцы агульнага карыстання на апошнім паверсе і працягнула распаўсюджвацца па ніжэйшых паверхах.
Падрабязнасці здарэння расказаў намеснік дырэктара па тэхнічных пытаннях ТАА «Хэпі Планет» Максім Аляксандравіч Чарнышоў:
— Прычынай затаплення стаў разрыў шаравога крана па разьбе дыяметрам 32 мм. Шаравы кран — гэта запорная арматура, якая ўсталёўваецца для перакрыцця стаякоў. І вось яго разарвала па разьбе. Цяпер камісійна праводзім абследаванне, афармляем акт аб зняцці гэтага шаравога крана для далейшай экспертызы. Гэта здарылася альбо па віне пастаўшчыка, альбо з-за памылкі пры мантажы. Аднаўляць шкоду будзем за кошт вінаватага боку.
Затоплена ліфтавае абсталяванне і месцы агульнага карыстання. Цяпер ідзе аднаўленне водазабеспячэння і ўборка вады.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары