Беларуска мела 700 грамаў золата, да яе прыйшлі махляры з «праверкай»
У жыхаркі Магілёўскага раёна было 700 грамаў золата. На яе выйшлі тэлефонныя махляры і пераканалі, што трэба праверыць сапраўднасць залатых зліткаў, паведамляе абласная пракуратура.
Па зліткі прыехалі кур'еры — трое жыхароў Мінска. Па ўказанні куратара яны забралі золата ў жанчыны ў адным з населеных пунктаў Магілёўскага раёна.
«Кошт выкрадзеных у жанчыны вырабаў перавысіў 210 тысяч рублёў», — паведамілі ў пракуратуры Магілёўскай вобласці.
Кур'еры пад вартай, заведзена крымінальная справа
Каментары