Кропка ў справе з пітонамі. У Брэсце судзілі кіроўцу аўтобуса, які вазіў у Беларусь змей
Судовае пасяджэнне па справе паляка, які вазіў пітонаў у Беларусь, прайшло ў Маскоўскім судзе Брэста.
У Беларусь пітонаў спрабавалі правезці двойчы — восенню мінулага года і ў лютым гэтага.
Напачатку лютага кіроўца аўтобуса «Варшава-Мінск», які апынуўся палякам, схаваў пад лядоўняй 15 пітонаў у пластыкавых кантэйнерах. Тады на мытні змей знайшлі – і перадалі ў заапарк.
Кіроўцу аўтобуса абвінавацілі ў перавозцы тавараў, якія трэба дэклараваць, без дэкларацыі (частка 2 арт. 15.1 КаАП).
Сёння па яго справе прайшло судовае пасяджэнне. Маскоўскі суд Брэста прыгаварыў паляка да штрафу ў 25 базавых велічынь (1050 рублёў).
У 2024 годзе пітонаў знайшлі ў тым жа рэйсавым аўтобусе, але схаваныя яны былі пад лесвіцай. Як і цяпер, змей тады перадалі ў заапарк.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары