Кіно99

У Беларусі здымаюць новае прапагандысцкае кіно, каб падлеткі кінуліся паступаць ва ўніверсітэт на настаўнікаў

Чарговы праект «Беларусьфільма» называецца «Класная». Ролю ў ім знайшлі нават для міністра культуры Руслана Чарнецкага.

Ірына Мароз, якая грае галоўную ролю. Фота: «Настаўніцкая газета»

Здымкі мастацкай поўнаметражкі ўжо пачаліся. «Класная» — гэта гісторыя мінчанкі, якая скончыла педагагічны ўніверсітэт і па размеркаванні паехала ў аграгарадок працаваць класнай кіраўніцай 11 класа. Розніца ва ўзросце ў настаўніцы з вучнямі невялікая, таму яны не ўспрымаюць яе сур'ёзна. На гэтым будзе пабудавана большая частка канфлікту ў фільме.

На цікавую акалічнасць звярнуў увагу тэлеграм-канал «Священный Белавуд»: першапачаткова фільм пра школу павінен быў здымаць рэжысёр Аляксандр Яфрэмаў. У 2023 годзе на экраны выйшаў ягоны фільм «Ліст чакання». Гэта было кіно пра беларускіх медыкаў, якія не хочуць з'язджаць працаваць на Захад. Гледачоў у кіназал збіралі прымусова — зганялі студэнтаў-медыкаў.

Але чамусьці ў выніку «Класную» даручылі здымаць іншаму рэжысёру — Кірылу Халецкаму (ён раней працаваў над прапагандысцкім фільмам «Культурны код», які таксама круцілі амаль у пустых залах). Малады рэжысёр быў павінен працаваць над беларуска-кітайскім праектам «На векі вечныя». Прычыны, чаму так усё змянілася, не агучвалі. Лёс амбіцыйнага сумеснага кіно таксама невядомы.

Цяпер жа 24-гадовы Халецкі ў інтэрв'ю распавядае пра «Класную» і бадзёра рапартуе: «Сваім фільмам мы яшчэ раз уздымаем сацыяльнае значэнне педагога, прэстыж і аўтарытэт гэтай прафесіі. Калі пасля нашага фільма ў БДПУ будзе аншлаг, значыць, мы ўсё зрабілі правільна».

Выглядае іранічна, што здымаць «школу ў аграгарадку» пачалі ў сталічнай школе №5. Акрамя яе, здымкі пройдуць яшчэ ў чатырох розных школах Беларусі.

Граць галоўную ролю даверылі актрысе Ірыне Мароз. Раней яна здымалася ў «Лісце чакання». Знайшлася праца і для міністра культуры Руслана Чарнецкага. Яму далі эпізадычную ролю — кіраўніка камісіі па размеркаванні ў БДПУ.

Рэжысёр Кірыл Халецкі сцвярджае, што высокая пасада акцёру-чыноўніку ніяк не дапамагла: «Насамрэч ён праходзіў пробы і быў зацверджаны ў ролі да прызначэння на гэтую пасаду, таму перад намі паўстала пытанне, а ці будзе ён увогуле здымацца. Ён пацвердзіў свой удзел у фільме. Мы вельмі чакаем гэтага здымачнага дня, які выпадае на май. Нам прыемна, што міністр культуры здымаецца ў нашым фільме».

Дарэчы, улічваючы актыўнасць Чарнецкага, які і ў тэатры Максіма Горкага рэгулярна выходзіць на сцэну, і кліпы здымае, і пра кіно не забывае, цікава, калі ён паспявае працаваць міністрам.

Прэм'ера фільма прызначаная на верасень 2025 года.

Каментары9

  • даведка
    28.02.2025
    У Чернецкого как министра единственный способ увеличить свой доход — гонорар.
  • даведка
    28.02.2025
    Ирина Мороз, не отморозь себе нос!
  • Ганьба
    28.02.2025
    Варта зняць новы "Перавозчык" пра ўцёкі ад размеркавання за мяжу.

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць