Апазіцыя пачала бойку ў сербскім парламенце, як мінімум тры чалавекі атрымалі раненні, піша DW. Дэпутаты ад апазіцыі патрабуюць адстаўкі парламента на фоне пратэстаў у краіне.
Бойка пачалася прыкладна праз гадзіну пасля пачатку пасяджэння. Дэпутаты павінны былі прагаласаваць за закон аб росце фінансавання вышэйшай адукацыі.
Але апазіцыя заявіла, што кіруючая большасць плануе адначасова ўхваліць дзясяткі іншых рашэнняў. Яны заявілі, што гэта незаконна, бо спачатку трэба пацвердзіць адстаўку прэм'ер-міністра Мілаша Вучавіча і ягонага ўрада. Той абвясціў аб адстаўцы яшчэ 28 студзеня.
Апазіцыя стала прарывацца да трыбуны, свістаць у свісткі, паднімаць плакаты з надпісам «Сербія паўстала, каб рэжым упаў!» і выявай скрываўленай далоні. Дэпутаты біліся з апанентамі, запалілі ў зале парламента дымавыя шашкі, кідалі яйкі і бутэлькі з вадой. Усё гэта трансліравалася ў жывым эфіры.
Сотні прыхільнікаў апазіцыі сабраліся на мітынг звонку будынка парламента.
Пратэсты ў Бялградзе і іншых гарадах Сербіі працягваюцца ўжо больш за месяц. Яны пачаліся пасля трагедыі ў горадзе Нові-Сад на поўначы Сербіі. Там 1 лістапада праз падзенне даху на чыгуначным вакзале загінулі 15 чалавек.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары