З пачатку года ў Беларусі праваліліся пад лёд і патанулі пяць чалавек
Яшчэ 14 чалавек атрымалася выратаваць, пра гэта «Минск-Новости» распавялі ў Рэспубліканскім цэнтры кіравання і рэагавання на надзвычайныя сітуацыі МНС Беларусі.
З 14 выратаваных двое — дзеці. Рыбакі працягваюць выходзіць на лёд падчас адлігі, расказалі ў цэнтры.
Спецыялісты прапануюць тым, хто ўсё ж выходзіць на лёд, апранаць выратавальныя камізэлькі — гэта дазваляе даўжэй пратрымацца на вадзе ў выпадку крытычнай сітуацыі.
«Узімку ля праваленага пад лёд на выратаванне ёсць каля дзесяці хвілін», — падзялілася прадстаўніца цэнтра Наталля Навумава.
Калі вы заўважылі чалавека, які праваліўся ў ваду, трэба неадкладна патэлефанаваць па нумарах 101 ці 112. Бегчы да пацярпелага не варта — трэба легчы на лёд і падаць чалавеку што-небудзь, чым можна яго выцягнуць. Напрыклад, вяроўку, шалік ці галінкі.
«Як толькі праваліўся схопіцца, пачынайце цягнуць яго да берага. Не варта пераацэньваць свае сілы. Калі ўдалося дапамагчы чалавеку выбрацца на лёд, то спаўзаць лепш па адным. Затым пацярпелага трэба даставіць у цёплае памяшканне, зняць мокрую вопратку, пераапрануць у што-небудзь сухое, ахінуць у коўдру і перадаць медыцынскім работнікам», — сказала яна.
Калі вы самі пацярпелі, то трэба не панікаваць, а сцягнуць з сябе цяжкія рэчы і паклікаць па дапамогу.
«Варта наваліцца грудзьмі на лёд, закінуўшы правую ці левую руку, а затым ногі. Адразу ж уставаць не варта, неабходна прапаўзці некалькі метраў наперад, каб не праваліцца зноў. Паўзці варта ў той бок, адкуль прыйшлі, бо там лёд ужо правераны на трываласць», — працягнула спецыялістка.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай30
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары