Свет88

Ілан Маск і іншыя пратрампаўскія мільярдэры выступілі супраць увядзення новых мытаў

Мільярдэры, якія падтрымліваюць прэзідэнта ЗША Дональда Трампа, раскрытыкавалі ягонае рашэнне ўвесці мыты ад 10 да 50% на імпарт больш чым са 180 краін, піша The Moscow Times.

Ілан Маск. Фота: Scott Olson/Getty Images

Заснавальнік Tesla і SpaceX, а таксама куратар Дэпартамента эфектыўнасці дзяржаўнага кіравання ЗША (DOGE) Ілан Маск спачатку абрынуўся з крытыкай на адрас дарадцы прэзідэнта па гандлёвай палітыцы Пітэра Навара, які адыграў ключавую ролю ў распрацоўцы плана па мытах, а затым падчас асабістых зносін папрасіў Трампа адмовіцца ад гэтай пастановы, паведамілі Washington Post (WaPo) дасведчаныя крыніцы.

Аднак, з іх слоў, прэзідэнт ЗША не паслухаў бізнэсмена, які ўклаў амаль 290 мільёнаў даляраў у падтрымку Трампа і іншых рэспубліканцаў на выбарах.

Пасля гэтага Маск апублікаваў у сацсетцы X відэа, на якім нобелеўскі лаўрэат па эканоміцы Мілтан Фрыдман тлумачыць важнасць свабоднага рынку.

Занадта высокімі назваў прапанаваныя мыты сузаснавальнік амерыканскай гандлёвай сеткі крам будматэрыялаў Home Depot і даўні спонсар Рэспубліканскай партыі Кен Ланган. У інтэрв'ю Financial Times ён заявіў, што 46-працэнтны тарыф для В'етнама — «лухта сабачая», а дадатковы збор 34% для Кітая — «занадта агрэсіўны» і не дае «шанцу на поспех сур'ёзных перамоў».

Паводле яго слоў, «больш кіраваным і, безумоўна, канструктыўным» падыходам было б увядзенне 10-працэнтнага агульнага тарыфу на імпартаваныя тавары з наступнымі двухбаковымі перамовамі з краінамі. Таксама Ланган выказаў упэўненасць, што Трампа «дрэнна інфармуюць» у галіне эканамічнай палітыкі.

У сваю чаргу мільярдэр Біл Экман, які быў спонсарам прэзідэнцкай кампаніі Трампа, назваў мыты «сур'ёзнай палітычнай памылкай».

Не падтрымаў тарыфы, вышэйшыя за 10%, і інвестар Стэнлі Даркенмілер, якога Financial Times называе настаўнікам міністра фінансаў ЗША Скота Бесента.

Супраць меры выказаўся і міністр фінансаў першага прэзідэнцкага тэрміну Трампа Уілбур Рос. З ягоных слоў, сітуацыя «больш сур'ёзная», чым ён чакаў. Рос падкрэсліў, што бізнэс можа справіцца як з добрымі, так і з дрэннымі навінамі, але «складана спраўляцца з нявызначанасцю».

Выканаўчы дырэктар JPMorgan Chase Джэймі Дайман у штогадовым лісце акцыянерам папярэдзіў, што тарыфы, «верагодна, прывядуць да росту інфляцыі і прымусяць многіх задумацца пра большую верагоднасць рэцэсіі». «Чым хутчэй будзе вырашана гэтая праблема, тым лепш, таму што некаторыя негатыўныя наступствы з часам будуць нарастаць і іх будзе цяжка павярнуць назад», — папярэдзіў Дайман.

Пры гэтым спецыялісты JPMorgan ацанілі імавернасць рэцэсіі ў ЗША ў 60%, а замест росту ВУП краіны на 1,3% сёлета чакаюць падзення на 0,3%. У Goldman Sachs ацэньваюць верагоднасць наступлення рэцэсіі ў ЗША ў найбліжэйшыя 12 месяцаў у 45%. 

Каментары8

  • бабруйчанін
    08.04.2025
    А што здарылась? 300 млрд$ згубілі
    Мы маем досвед адчуванне як Бафет у кэшэ трымаем ..нам ||
  • Ха
    08.04.2025
    Не не не, не фіг было яго падтрымліваць, а калі падтрымалі, дык так вам і трэба.
  • Лапидарный гениал
    08.04.2025
    Гении бранятся только тешатся

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць