Свет22

Трамп пагражае Кітаю новымі гіганцкімі мытамі, але азіяцкія біржы растуць

Прэзідэнт ЗША Дональд Трамп запэўніў, што не збіраецца адкладаць увядзенне новых імпартных пошлін, і двойчы за панядзелак пагразіў Кітаю новымі гіганцкімі пошлінамі. Тым не менш, азіяцкія фондавыя індэксы пры адкрыцці таргоў у аўторак пачалі часткова адыгрываць падзенне папярэдняга дня, піша Бі-бі-сі.

Фота: Chip Somodevilla / Getty Images

Дональд Трамп спачатку заявіў пра намер дадаць яшчэ 50% да ўжо абвешчаных 54-працэнтных пошлін на кітайскі імпарт у сваёй сацсетцы Truth Social. Прэзідэнт ЗША паведаміў, што зробіць гэта, калі Пекін не адменіць сваё рашэнне адказаць на пошліны, абвешчаныя Трампам у пятніцу, сіметрычнымі 34-працэнтнымі зборамі з амерыканскага імпарту.

Потым ён пацвердзіў гэты намер на прэс-канферэнцыі ў Белым доме. Калі Трамп выканае абяцанне, то кітайскі імпарт у ЗША будзе абкладзены 104-працэнтнымі пошлінамі: 20% новы прэзідэнт увёў у сакавіку і яшчэ 34% звыш таго — на мінулым тыдні. Міністэрства гандлю КНР у адказ у аўторак заявіла, што Кітай не паддасца на шантаж і будзе змагацца з пошлінамі да канца.

Пагрозу Трампа дадаць яшчэ 50% міністэрства назвала «памылкай дадаткова да ранейшай памылкі» і запатрабавала ад амерыканскага прэзідэнта адмяніць рашэнні пра пошліны і распачаць перамовы.

Ніякіх паўз

Журналісты спыталі ў Трампа, ці не думае ён пра «паузу» ва ўвядзенні абвешчаных пошлін у дзеянне, і ён адказаў адмоўна.

«Мы не разглядаем [такую паўзу]. У нас шмат-шмат краін, якія едуць на перамовы пра здзелкі з намі, і гэта будуць сумленныя здзелкі», — сказаў Трамп.

Міністр фінансаў ЗША Скот Бесэнт, якому Трамп даручыў весці гэтыя перамовы, сказаў у панядзелак тэлеканалу Fox, што Кітай «ізалюе сябе», адказваючы на пошліны Трампа, і што ён, Бесэнт, спадзяецца, што па выніках перамоў з іншымі краінамі тарыфы для іх будуць зніжаны.

Азія адыгрывае частку страт

Нягледзячы на пагрозу для ўсёй сусветнай эканомікі, якую многія спецыялісты бачаць у пошлінах Трампа, а таксама пагрозу новага вітка гандлёвай вайны асобна паміж ЗША і Кітаем, азіяцкія біржы ў аўторак пачалі адыгрываць вялікае падзенне, якое яны перажылі напярэдадні.

Індэкс Такійскай біржы Nikkei 225 вырас на пачатку таргоў раніцай аўторка больш чым на 6%. У панядзелак ён упаў на 7,8%.

Выраслі і фондавыя рынкі ў Аўстраліі, Паўднёвай Карэі, а таксама ў Ганконгу і Шанхаі. У той жа час каштоўныя паперы на тайваньскай біржы працягнулі падаць: яе індэкс TAIEX у першыя хвіліны таргоў знізіўся яшчэ на 2,5%.

Вялікае падзенне ў панядзелак перажылі фондавыя рынкі і Азіі, і Еўропы, і толькі амерыканскія індэксы, што зніжаліся на мінулым тыдні пасля заяў Трампа пра гандлёвую вайну з усім светам, на пачатку новага тыдня трымаліся больш-менш на ранейшым узроўні.

Каментары2

  • Грышка
    08.04.2025
    он шёл на Одессу а вышел к Херсону
  • усё
    08.04.2025
    усё лапідарней й лапідарней

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць