Інцыдэнт адбыўся ў сярэдзіне чэрвеня мінулага года. Тады група з 28 чалавек накіравалася на квэст. Падчас выканання задання — пошуку падказкі ў цёмнай скрыні — 14-гадовую дзяўчынку ўкусіў пацук, апісаў гісторыю Вярхоўны суд.
Цікава, што ён павінен быў знаходзіцца там паводле плана, але ўдзельнікаў пра магчымы кантакт з жывёламі не папярэдзілі. Маці пацярпелай дзяўчынкі звярнулася ў суд.
Паводле слоў жанчыны, у выніку ўкусу дзяўчынка адчула фізічны боль, на працягу амаль двух месяцаў яна праходзіла амбулаторнае лячэнне, а на месцы траўмы застаўся рубец. Маці папрасіла спагнаць кампенсацыю маральнай шкоды ў памеры 1000 рублёў з індывідуальнай прадпрымальніцы, якая арганізоўвае мерапрыемствы.
Суд Асіповіцкага раёна ўстанавіў, што здароўю непаўналетняй сапраўды быў прычынены ўрон з-за неналежнага выканання абавязкаў па бяспецы з боку арганізатара. Адказчыца павінна выплаціць 1000 рублёў на карысць непаўналетняй, а таксама дзяржаўную пошліну ў даход дзяржавы — 126 рублёў.
Цяпер чытаюць
Калекцыю карцін Віктара Бабарыкі распрадаюць з вялікімі зніжкамі. Але без самага дарагога для яго твора4
Каментары