Зварот Аляксандра Мілінкевіча да Дня Волі
Дарагія суайчыннікі! Шаноўныя сябры!Сардэчна віншую Вас з найвялікшым святам беларускага народу — Днём Волі.
Веданне нашай славутай гісторыі, гонар ад здзяйсненняў продкаў і шанаванне тых, хто ахвяраваў сваім жыццём, здароўем і дабрабытам у імя свабоды і незалежнасці Айчыны, — пачэсны абавязак кожнага грамадзяніна. Гэта таксама праява патрыятызму і цывілізаванасці як грамадства, так і ўлады.
Падзеі сакавіка 1918 году паступова атрымліваюць усё большае прызнанне ў нашым грамадстве.
Заклікаю ўсіх беларусаў шырока, годна і цывілізавана адзначыць наша галоўнае нацыянальнае свята. Шмат хто прыйдзе 25 сакавіка а 18.00 да Акадэміі навук у сталіцы. У рэгіёнах і за мяжой адбудуцца дзесяткі мерапрыемстваў, канцэртаў, імпрэзаў, вечарынаў.
Веру, што ў выніку нашых супольных намаганняў Беларусь выйдзе з шэрае паласы аўтарытарызму і паўстане як увасабленне ідэалаў айцоў-заснавальнікаў Беларускай Народнай Рэспублікі.
Жыве Беларусь!
-
«Усю выгаду ад гэтага займее Масква і Пуцін». Пазняк даў ацэнку візіту Ціханоўскай ва Украіну
-
Як будуць развівацца падзеі, калі Масква зноў, як і ў 2022, пачне наносіць удары па Кіеве з тэрыторыі Беларусі? Магчымыя сцэнары
-
Калеснікава: Я ніколі не кажу пра ваенныя санкцыі. Але існуе спартыўны трэк, памежныя пытанні, медыцына — усё што заўгодна
Цяпер чытаюць
Хто той хлопец, які чакаў дзяўчыну пад дажджом у Мінску? Вы дакладна бачылі тое рамантычнае відэа3
Каментары