Ці маюць беларусы права публікаваць фота з парушэннямі суседзяў у дамавым чаце?
Многія беларусы, якія знаходзяцца ў дамавых чатах у мэсэнджарах, сутыкаліся з публікацыяй там фота і відэа, з дапамогай якіх адныя жыхары скардзяцца на парушэнні іншых. У Нацыянальным цэнтры абароны персанальных даных (НЦАПД) растлумачылі, ці законна гэта.
«Размяшчаць такія матэрыялы ў інтэрнэце (у месенджары) — гэта апрацоўка асабістых звестак, і для гэтага трэба мець прававую падставу», — патлумачылі ў цэнтры.
Там расказалі, што арганізацыі ўласнікаў не маюць права, згодна з заканадаўствам, публікаваць фота і відэа без дазволаў людзей, якія выяўленыя на кадрах. Калі ж жыхары ўбачылі ў дзеяннях сваіх суседзяў правапарушэнне, то трэба звярнуцца «ва ўпаўнаважаныя (у тым ліку праваахоўныя) органы» і ім ужо расказаць пра заўважанае для прыцягнення вінаватых да адказнасці.
Згодна з ч. 1 арт. 23.7 КаАП Беларусі, за наўмысныя незаконныя збор, апрацоўку, захоўванне або наданне персанальных даных фізасобы альбо парушэнне яго правоў, звязаных з апрацоўкай персанальных даных, пагражае штраф у памеры да 50 базавых велічынь (цяпер 2100 рублёў).
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары