Расіяне атакавалі Адэсу дронамі: пашкоджана інфраструктура, ёсць пацярпелыя
У ноч на 23 красавіка расійскія войскі здзейснілі чарговую атаку ўдарнымі беспілотнікамі па Адэсе. У выніку ўдару пацярпелі грамадзянскія аб’екты ў прыгарадзе Адэсы, узніклі пажары, ёсць пацярпелыя, піша «Украінская праўда».
Паводле слоў кіраўніка ваеннай адміністрацыі Алега Кіпера, варожыя дроны пашкодзілі аб’екты грамадзянскай інфраструктуры ў прыгарадзе Адэсы. У выніку ўдару ўспыхнула шэраг пажараў.
«Паводле папярэдняй інфармацыі, у выніку расійскай атакі ўдарнымі беспілотнікамі пацярпелі дзве асобы», — сказаў ён.
Пазней у ДСНС паведамілі, што ў выніку чарговай расійскай атакі пашкоджана грамадзянская інфраструктура, узгаранні адбыліся ў жылых дамах, будынках прыватных прадпрыемстваў.
Каментары