Названыя тры пляцоўкі па магчымым захоўванні радыеактыўных адкідаў
Начальнік упраўлення па звароце з радыеактыўнымі адкідамі і аб’ектамі ядзернай спадчыны Дзяржатамнагляду Дзмітрый Паўлаў у размове з журналістамі ў прэс-цэнтры БелТА назваў тры магчымыя пляцоўкі для будаўніцтва пункта пахавання радыеактыўных адкідаў.
«Мы кіруемся падыходамі МАГАТЭ, згодна з якімі мэтазгодна размяшчаць аб’екты такога плану побач з асноўным вытворцам радыеактыўных адкідаў. Таму разглядаецца рэгіён размяшчэння Беларускай АЭС. Акрамя таго, улічваем перспектывы будаўніцтва іншых ядзерных аб’ектаў, таму разглядаецца магчымасць будаўніцтва пункта пахавання ў Магілёўскай вобласці. Акрамя таго, у нашай краіне маюцца вялікія тэрыторыі, якія зараз не выкарыстоўваюцца з-за наступстваў чарнобыльскай аварыі. Адзін з варыянтаў магчымасці выкарыстання гэтай тэрыторыі — размяшчэнне пункта пахавання. Таму вядзецца даследаванне магчымасці размяшчэння аб’екта ў Палескім дзяржаўным радыяцыйна-экалагічным запаведніку», — сказаў ён.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары