«Я не хачу адпускаць жыццё». У пісьменніцы Святланы Курс рак на позняй стадыі
53-гадовая пісьменніца Святлана Курс, аўтарка вядомага рамана «Па што ідзеш, воўча?» паведаміла пра сваё гора. Нядаўна ёй паставілі цяжкі дыягназ: рак яечніка з метастазамі ў брушыну і лімфатычныя вузлы. Але апускаць рукі не збіраецца, будзе лячыцца і просіць беларусаў пра дапамогу.
«Гэта той самы «ціхі забойца», які доўга хаваецца і праяўляе сябе ўжо на позняй стадыі.
Ужо некалькі тыдняў я адчувала, што з маім целам нешта не так: цяжар у жываце, сцісканне мачавога пузыра, стомленасць. Я лячылася ад запалення — але гэта быў анкалагічны асцыт.
Усе астатнія органы ў мяне здаровыя — ныркі, печань, сэрца, лёгкія — і менавіта таму ў дактароў ёсць надзея: шанец на лекаванне, на працяг жыцця.
А я так не хачу яго адпускаць…
Цяпер мне вельмі патрэбная ваша падтрымка. У маім становішчы прасіць — ня сорамна, таму што мне адной не справіцца. Перада мной — цяжкі шлях лячэння, аналізаў, працэдур. Гэта патрабуе сродкаў, якіх у мяне няма.
Калі ласка, калі маеце магчымасць, падтрымайце мяне. Грашамі, талакою, словам.
Дзякуй, што вы побач. У прыгодзе і ў карагодзе», — напісала Святлана Курс.
«Асноўнае лячэнне — бясплатнае, — тлумачыць Святлана. — Дзякуючы польскай медыцынскай сістэме, я праходжу хіміятэрапію, падрыхтоўку да аперацыі, саму аперацыю і наступнае лячэнне бясплатна, у Нацыянальным анкалагічным цэнтры. Але навокал гэтага — жыццё, у якім таксама трэба выжываць. Таму я звяртаюся з просьбай дапамагчы мне сабраць сродкі».
Сума збору — €10.000
€4200 — бытавыя выдаткі (жыццё падчас лячэння) на 6 месяцаў (€700 на месяц);
€3000 — інфраструктура вакол лячэння:
— аплата дарогі да медыцынскіх цэнтраў (у тым ліку — у іншыя гарады),
— арэнда транспарту або таксі, калі фізічна цяжка ехаць грамадскім транспартам,
— чаканні і начлег пасля працэдур (калі трэба быць побач з клінікай),
— купля базавых медыцынскіх сродкаў, якія не выдаюцца па страхоўцы (уколы, апрацоўкі, апараты для падтрымкі арганізма);
€600 — падтрымка медыкаментамі і спецыяльнае харчаванне;
€2200 — непрадбачаныя выдаткі:
— дадатковыя аналізы, якія не пакрываюцца,
— змены ў лячэбных схемах або рэакцыі арганізма,
— магчымасць аплаты часовай дапамогі (сацыяльны работнік, часовая апякунка і г.д.)
Падтрымаць Святлану Курс, даўшы ёй шанец на жыццё, можна па спасылцы.
А наколькі светлы і мудры чалавек Святлана Курс, можна пераканацца, паглядзеўшы яе інтэрв'ю ў нашай праграме «Ток».
«У Лукашэнкі былі добрыя настаўнікі». Святлана Курс правяла па «Тунэлі смерці» Катынскага музею
У Дзень роднай мовы папулярная пісьменніца сабрала свае ўлюбёныя прымаўкі, і тут паляцела
Знакамітая беларуская пісьменніца расказала, як перастала быць феміністкай
«Паколькі Расійская імперыя ёсць пустка, залітая гаўном, то мы можам толькі з гэтай пусткі вырывацца»
Святлана Курс: Расія — гэта самае вялікае расчараванне сусвету
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары