Мінчанка па просьбе ўвяла чужы Apple ID на сваім айфоне, і ёй заблакавалі ўсе гаджэты
23-гадовая мінчанка адгукнулася ў адным з тэлеграм-чатаў на просьбу дапамагчы адкрыць фатаграфіі з адпачынку, якія знаходзіліся ў воблаку, распавёў тэлеграм-канал Міліцыя Мінска.
Дзяўчына была ў тэлеграм-чаце, дзе блогеры размаўляюць і дзеляцца парадамі. У гэтым чаце і напісала карыстальніца з просьбай аб дапамозе. 23-гадовая мінчанка пагадзілася выручыць незнаёмку. Яна ўвяла даныя ад чужога акаўнта Apple ID на сваім айфоне, але неўзабаве заўважыла, што ён заблакаваны. Пасля гэтага дзяўчына зайшла ў Telegram з іншай прылады і ўбачыла там паведамленне з патрабаваннем заплаціць 1100 рублёў за разблакіроўку смартфона.
Мінчанка пералічыла грошы, аднак пасля гэтага вымагальнікі запатрабавалі яшчэ 1400 рублёў за разблакіроўку смарт-гадзінніка, які таксама быў прывязаны да яе акаўнта. Другі раз пералічваць грошы дзяўчына адмовілася, пасля чаго ашуканцы заблакавалі ўсе яе гаджэты, уключыўшы рэжым страты.
Заведзеная крымінальная справа за вымагальніцтва.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары