У архіве знайшлі матэрыялы пра расстрэл антысавецкіх партызан у Барысаўскім павеце
28 траўня 1921 года за ўдзел у антысавецкім партызанскім атрадзе ў Барысаўскім павеце камуністы расстралялі 9 чалавек, адзін уцёк з-пад канвою. Месца расстрэлу невядомае. Столькі ж бальшавікі саслалі або перадалі пад нагляд спецслужбаў, паведамляецца ў тэлеграм-канале Беларускага інстытута публічнай гісторыі са спасылкай на дакументы з Архіва новых актаў у Варшаве.
Атрад дзейнічаў з лета 1920 года. Ягоны камандзір, 53-гадовы ўладальнік хутара Антонаўка Казімір Сляскі, гуртаваў моладзь з суседніх вёсак, пераважна рыма-каталікоў. Усіх іх абвінавацілі ў сувязях з Польшчай, нападах на чырвонаармейскія абозы і забойстве савецкіх актывістаў.
Справу вёў следчы Цітоў. Ён запісаў у абвінаваўчым заключэнні:
«Сляскі асабіста з іншымі асобамі хадзіў па вёсках і хутарах, збіраў зброю і агітаваў сярод моладзі ісці за «Айчыну» і ахвяраваць сваім жыццём і дабром дзеля дасягнення панскага царства Беларусі».
У памяць пра бацьку сын Сляскага пазней усталяваў у адным з касцёлаў Варшавы памятную шыльду.
У 1992 годзе ўсе асуджаныя былі рэабілітаваныя.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Раён і дагэтуль багаты на лясы.