Грамадства6565

Статкевіч заклікаў еўрапейцаў стварыць і ўзброіць Беларускі добраахвотніцкі корпус

Мікалай Статкевіч лічыць, што наяўнасць баяздольнай вайсковай адзінкі, створанай беларусамі эміграцыі, стрымае Расію ад агрэсіі.

Байцы Палка Каліноўскага ва Украіне. Скрыншот з відэа

У працяг нядаўна апублікаванага артыкула «Апакаліпсіс заўтра. Зона смерці на балконе», у якім Мікалай Статкевіч перасцярог наконт магчымага нападу Расіі на краіны Балтыі з Беларусі і пагрозы прымянення Масквой ядзернай зброі з беларускай тэрыторыі, нядаўна вызвалены палітвязень у сваім тэлеграм-канале прапанаваў план нейтралізацыі гэтай пагрозы.

Статкевіч прапануе сфарміраваць на тэрыторыі Польшчы з ліку беларусаў-эмігрантаў Беларускі міратворчы добраахвотніцкі корпус. «Мы заклікаем еўрапейскія краіны забяспечыць Корпус фінансава, а таксама баявым рыштункам, узбраеннем і вайсковай (у тым ліку цяжкай) тэхнікай».

Ён таксама прапануе «размясціць Корпус каля беларуска-ўкраінскай мяжы, дзе яго задачай будзе недапушчэнне паўторнай агрэсіі супраць Украіны з беларускай тэрыторыі».

«Таксама задачай Корпуса будзе процідзеянне спробам расійскай агрэсіі супраць краін Балтыі з тэрыторыі Беларусі. Апынуўшыся перад пагрозай удару ў тыл групоўкі ўварвання і з паўсталай краінай за спінай, расійскія мілітарысты будуць вымушаны адмовіцца ад агрэсіі», — спадзяецца Статкевіч.

«Таксама задачай Корпуса будзе сілавое прымушэнне Масквы да вываду сваёй ядзернай зброі з тэрыторыі Беларусі», — мяркуе ён.

На сёння беларусы змагаюцца супраць расійскага імперыялізму ў складзе Узброеных сілаў Украіны. Прынамсі 79 беларусаў загінулі, баронячы незалежнасць Украіны. Сярод знакавых постацяў таго змагання — чэмпіён-вясляр Павел Шурмей, які ўзначальваў Полк Каліноўскага, маладафронтавец Дзяніс «Ваўкалак» Урбановіч, які быў 5 разоў паранены і 33 разы кантужаны. Сярод тых, хто загінуў, — Міраслаў «Мыш» Лазоўскі, а таксама Аляксей Тур, які загінуў, баронячы Кіеў у 2022 годзе. Адзіным з беларусаў-добраахвотнікаў ён быў пасмяротна ўдастоены звання Герой Украіны.

Аднак агульная колькасць беларусаў, якія добраахвотна ўступілі ва ўкраінскую армію недастатковая, каб скласці цэлы корпус. Дакладная лічба беларускіх добраахвотнікаў невядомая, але імаверна за ўвесь час вайны праз УСУ прайшло менш за тысячу беларусаў. Цяпер асобнай беларускай структуры ў УСУ не засталося, беларусы размеркаваныя ва ўласнаўкраінскія адзінкі.

Пакідаючы пасаду, экс-камандзір Палка Каліноўскага Павел Шурмей заявіў, што падраздзяленне ўжо не з'яўляецца палком па колькасці.

Сілавыя і патрыятычныя ініцыятывы ў Польшчы і Літве тыпу «Паспалітага рушэння» таксама аб'ядноўвалі дзясяткі, а не сотні чалавек.

Цяжка сказаць, ці ў выпадку стварэння беларускага міратворчага фарміравання з перспектывамі фінансавання гэта прывабіла б новых ахвотнікаў.

Першым аналагічную ідэю прапаноўваў прадстаўнік Аб'яднанага пераходнага кабінета па пытаннях абароны Вадзім Кабанчук. Ён прыводзіў у прыклад нацыянальныя злучэнні Свабоднай Францыі і Польскага ўрада ў выгнанні часоў мінулай вайны. На думку Вадзіма Кабанчука, новыя фармаванні маглі б уліцца ў польска-ўкраінска-літоўскую брыгаду імя Канстанціна Астрожскага. Кабанчук кажа, што ахвотных — многія сотні.

Каментары65

  • Фэйспалм
    02.03.2026
    Цалкам адарваны ад рэчаіснасці. Нерэальна такое стварыць!

    [Зрэдагавана]
  • 1
    02.03.2026
    Как только корпус двинется к границе РБ, сюда придет армия РФ, с танками, ракетами и будет полноценная война на территории страны. Понятна ненависть Статкевича к режиму - но это не выход, Беларусь просто сравняют в землей. НЕТ! Надо ждать ослабления власти в РФ, а это неизбежно.
  • Багдан
    02.03.2026
    Удакладню - гэты акаўнт верыфікаваны? Вы цытуеце Статкевіча, але ў вас ёсьць пацьверджаньні, што гэта ня фэйк?

    Рэд. Так, гэта ягоны канал.

    [Зрэдагавана]

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва69

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць