Беларусы могуць адмовіцца ад некаторых камунальных паслуг і перастаць за іх плаціць. Пра гэта расказала намеснік гендырэктара па ідэалагічнай рабоце Мінскай гарадской жыллёвай гаспадаркі Вольга Драпей, паведамляе карэспандэнт агенцтва «Мінск-Навіны» са спасылкай на тэлеграм-канал «ЖКГ Мінск афіцыйна».
Жыллёва-камунальныя паслугі падзяляюцца на асноўныя і дадатковыя. У першым выпадку адмовіцца ад атрымання паслуг і іх аплаты нельга, аднак у другім такая магчымасць ёсць.
— Калі вы не жадаеце, каб вам аказвалася дадатковая жыллёва-камунальная паслуга, вы можаце не падпісваць дагавор на яе аказанне, альбо адмовіцца ад заключанага дагавора. Для адмовы ад заключанай дамовы неабходна накіраваць на адрас выканаўцы паслуг папярэджанне, — звярнула ўвагу В. Драпей.
Да дадатковых ЖКГ паслуг адносяцца:
- устаноўка і (альбо) тэхнічнае абслугоўванне запорна-перамоўных прылад;
- устаноўка і (альбо) тэхнічнае абслугоўванне сістэм відэаназірання;
- арганізацыя работы і ўтрыманне вахцёраў;
- арэнда і (альбо) замена падлогавых супрацьбрудавых дывановых пакрыццяў;
- добраўпарадкаванне прыдамавых тэрыторый элементамі азелянення, добраўпарадкаванне і іх далейшае ўтрыманне.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары
Лукашэнкаўскія ідэолагі (у ЖКГ, МНС, ДАІ і г.д.) перыядычна даюць прафілактычную інфармацыю. "Навіны" паўтараюць некалькі раз у год. Абавязкі ў іх такія.
Замежныя СМІ "Зеркало", "Наша Ніва" бяздумна гэта транслююць. А "Зеркало" можа яшчэ і інтрыгу дадаць: назва да такога артыкула магла б гучаць "Некаторыя катэгорыі грамадзян могуць сэканоміць. Здагадайцеся, як".
Увогуле ідэя рэпастоў без мінімальнага факт-чэкінгу дае абсурд. Тут яшчэ і другаснасць за ідэолагамі.