Міністэрства фінансаў Беларусі 26 чэрвеня зноў правядзе замяшчэнне еўрааблігацый. Гэтым разам будзе прапанавана абмяняць аблігацыі «Беларусь-2027», якія павінны былі пагашацца 29 чэрвеня 2027 года, на новыя дзяржаўныя аблігацыі выпуску №340.
Намінал новай аблігацыі складае 1000 даляраў, а працэнтная стаўка і тэрміны выплат будуць такімі ж, як у ранейшых еўрааблігацый.
Для ўдзелу ў абмене неабходна падаць заяўку і прайсці праверку ў адпаведнасці з пастановай Савета Міністраў і Нацбанка ад 26 верасня 2022 года.
Разлікі па новых аблігацыях будуць рабіцца ў беларускіх рублях па курсе Нацбанка, які дзейнічае за тры працоўныя дні да выплаты або пагашэння. Трымальнікам таксама вярнуць назапашаныя працэнты па старых еўрааблігацыях, калі яны пацвердзяць, што валодалі імі на адпаведныя даты выплат.
Раней Мінфін ужо правёў тры падобныя замены, агульным аб'ёмам больш за 625 мільёнаў даляраў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары