«Сделано в Белоруссии». Сацсеткі ўзбудзіліся ад сыру загадкавага паходжання
Карыстальнікі сацсетак абмяркоўваюць дзіўную знаходку — сыр ва ўпакоўцы, падазрона падобнай на брэнд «Брэст-Літоўскі», заўважыла BGmedia. Што гэта — падробка ці крэатыў ад вытворцаў?
У Threads адзін з карыстальнікаў выклаў фота сыру, які выклікаў бурнае абмеркаванне. На ўпакоўцы — вядомы стыль «Брэст-Літоўскага», характэрныя колерная гама і шрыфт… Але ёсць нюанс: напісана, што гэта сыр «Расійскі», а зверху — «Сделано в Белоруссии». Вось толькі ніякай інфармацыі пра вытворцу няма.
Рэакцыя сацсетак была імгненнай і бязлітаснай.
«Зроблена ў невядомым месцы. Белоруссия — гэта дзе?».
«Выкіньце, у яго тэрмін прыдатнасці гадоў 30 таму як скончыўся».
«У «Брэст-Літоўска» шрыфт не такі нават. Гэта закос».
«Менавіта з-за такога гаўна на ўсёй беларускай малочцы цяпер QR-коды!»
Карыстальнікі адзначылі, што сапраўдная прадукцыя «Савушкава прадукту» (уладальнік брэнда «Брэст-Літоўск») даўно абароненая ад падробак, у тым ліку знакамі на ўпакоўцы, якія бачныя толькі пад ультрафіялетавымі прамянямі.
У апошнія гады беларускія вытворцы актыўна змагаюцца з падробкамі. QR-коды, ахоўныя пласты, спецчарніла — усё дзеля таго, каб спажывец не трапіў на вуду фальсіфікатараў. Асабліва часта беларускія прадукты падрабляюць на расійскім рынку — брэнд вядомы, давер высокі, а кантроль — не заўсёды строгі.
Пакуль невядома, дзе менавіта быў знойдзены загадкавы сыр. Але ясна адно: калі вы бачыце «Сделано в Белоруссии» — варта насцярожыцца. Беларускія прадукты сябе так не называюць ужо больш за 30 гадоў.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі29
Каментары