Начальнік вядомай іранскай турмы «Эвін» Хедаятала Фарзадзі, якога абвінавачваюць у катаваннях і забойствах палітычных зняволеных, уцёк непасрэдна перад ізраільскім авіяўдарам па турме. Гэта здарылася пасля ультыматуму, выстаўленага ізраільцянамі, піша Fox News.
Паводле даных Fox News, Ізраіль праз WhatsApp звязаўся з сынам Фарзадзі Амірам і перадаў яму пасланне: калі бацька вызваліць палітвязняў, ягонае жыццё будзе ўратавана.
Амір хутка перадаў інфармацыю свайму дзядзьку, які вывез Фарзадзі з турмы літаральна за некалькі хвілін да пачатку атакі. З таго часу Фарзадзі знік з поля зроку, і яго месцазнаходжанне невядомае.
Фарзадзі, які з 2022 года кіраваў турмой «Эвін», знаходзіцца пад санкцыямі ЗША і Еўрасаюза за грубыя парушэнні правоў чалавека, уключаючы катаванні, згвалтаванні і публічныя пакаранні. У мінулым ён працаваў у іншых жорстка вядомых турмах Ірана, дзе таксама ўдзельнічаў у гвалце над вязнямі.
Ізраільскія авіяўдары былі часткай аперацыі «Народ як леў», скіраванай на іранскія ядзерныя і ракетныя аб’екты. У выніку ўдару частка турмы «Эвін» была разбураная, і цяпер Іран узмацняе меры ўнутранай бяспекі. У ЕС адзначылі рост колькасці пакаранняў смерцю ў Іране, у тым ліку ў дачыненні да жанчын, меншасцяў і грамадзян Еўропы.
У Іране хаваюць высокапастаўленых афіцэраў, навукоўцаў-ядзершчыкаў, загінулых падчас канфлікту з Ізраілем
Трамп заявіў, што выратаваў вярхоўнага лідара Ірана ад «ганебнай смерці»
Як адключэнне інтэрнэту ў Іране раптам раскрыла сувязь Тэгерана з шатландскім сепаратызмам
Улады Ірана схапілі сотні чалавек па падазрэнні ў шпіянажы на Ізраіль. Пяцёра ўжо пакараныя
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі27
Каментары