На страусавай ферме ў Кобрынскім раёне вартаўнік забіў чатырох птушак
У Кобрынскім раёне на страусавай ферме сумеснага беларуска‑польскага ТАА «ПМ і кампанія», якая размяшчаецца непадалёк ад вёскі Козішча, вартаўнік забіў палкай чатырох птушак.
Як паведамілі ў Кобрынскім РАУС, 8 красавіка ў дачыненні да вартаўніка аддзяленнем дазнання была распачата справа на падставе ч. 1 арт. 218 Крымінальнага кодэкса (наўмыснае знішчэнне або пашкоджанне маёмасці).
Паводле звестак следства, вечарам 1 красавіка 30‑гадовы мужчына падчас дзяжурства на страусавай ферме абыходзіў яе тэрыторыю і ўбачыў, што адна птушка выйшла з загона. На працягу 40 хвілін ён заганяў страуса.
Пасля чаго зайшоў у загон і стаў збіваць палкай птушак, якія знаходзіліся там. У выніку чатыры страусы загінулі. Раніцай работнікам фермы вартаўнік заявіў, што адбыўся паморак птушак.
Устаноўлена, што вартаўнік знаходзіўся ў стане алкагольнага ап’янення. Сума ўрону, нанесеная прадпрыемству, складае амаль 6,5 млн. рублёў.
Праводзіцца расследаванне.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары