«Такога яшчэ не было». Адбылася масіраваная атака на Крывы Рог, Вінніцу, Харкаў
У ноч на сераду Крывы Рог стаў аб’ектам аднаго з наймагутнейшых удараў з боку Расіі.
«Такога яшчэ не было. Балістычная ракета і 28 шахедаў адначасова. Дзякуй Богу — без страт, персанал знаходзіўся ў сховішчах. Але, на жаль, пацярпеў хлопец 17 гадоў. Цяжкі, цяпер лекары змагаюцца за яго жыццё», — напісаў старшыня рады абароны Крывога рога Аляксандр Вілкул.
У выніку атакі цалкам разбурана прамысловае прадпрыемства.
Па словах Вілкула, у горадзе было зафіксавана каля 20 прамых траплянняў, яшчэ 15 дронаў былі заўважаны ў паветры падчас атакі. У выніку масіраванага налёту адбыліся буйныя адключэнні электраэнергіі, сістэма водазабеспячэння была пераведзена на працу ад генератараў. Цяпер ідзе аднаўленне падачы электрычнасці ў асобных раёнах.
Акрамя Крывога Рога, удары былі нанесены па Харкаве, дзе, паводле слоў мэра Ігара Церахава, прагучалі выбухі і ўспыхнуў пажар на адным з прадпрыемстваў.
Ноччу атакам таксама падверглася Вінніца. Паводле паведамленняў з украінскіх маніторынгавых каналаў, на горад прыляцелі больш за 20 беспілотнікаў. Некаторыя тэлеграм-каналы паведамляюць пра моцны пажар у горадзе, але падрабязнасці адсутнічаюць.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары