31 ліпеня 2025 года ўрад Швецыі прызначыў Крысціну Юханэсан новай амбасадаркай у Расіі, паведамляе «Белсат». Яна пачне працу ў Маскве ўжо гэтай восенню. Раней гэтая дыпламатка ўжо мела досвед працы ў Расіі — у консульстве ў Санкт-Пецярбургу і ў амбасадзе ў Маскве.
Юханэсан добра вядомая і ў Беларусі: з 2017 да 2022 года яна была амбасадаркай Швецыі ў Мінску. Пасля завяршэння тэрміну яна цёпла развіталася з беларусамі і вярнулася дадому. Але зусім ад беларускіх спраў не адышла: пасля гэтага Юханэсан прызначылі спецыяльнай прадстаўніцай Швецыі ў справах дэмакратычных сіл Беларусі ў выгнанні.
Крысціна Юханэсан актыўна выступала ў падтрымку палітвязняў і беларускіх дэмакратычных сілаў. І пакуль невядома, хто зойме яе месца як прадстаўнік Швецыі па беларускіх справах.
Пасля ад’езду Юханэсан з Мінска ў 2022 годзе Швецыя, як і большасць іншых краін Еўрасаюза, не мае паўнавартаснага пасла ў Беларусі — толькі часовую павераную.
Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?
Часовы павераны: Беларусь вядзе дыялог з ЗША, але размовы пра абмен пасламі няма
Са Швецыі дэпартуюць яшчэ адну беларускую сям'ю
Эксперт патлумачыў, калі варта пачынаць рабіць шэнгенскую візу, каб трапіць на адпачынак у Еўропу
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары