На мінулым тыдні на вайсковым палігоне ў Літве ўпаў беспілотнік, які перад тым заляцеў з тэрыторыі Беларусі і праляцеў нават над сталіцай краіны Вільняй. Як паведамілі 5 жніўня літоўскія ўлады, унутры апарата знаходзілася выбуховае прыстасаванне, піша LRT.
Па словах генеральнай пракуроркі Літвы Ніды Грунскене, выбухоўка была знойдзеная і бяспечна абясшкоджаная спецыялістамі Узброеных сіл Літвы.
Начальнік штаба Літоўскіх паветраных сіл палкоўнік Дайнюс Пашкявічус адзначыў, што ўнутры беспілотніка было каля двух кілаграмаў выбуховага рэчыва. Для параўнання, дроны тыпу Shahed могуць несці да 50 кг выбухоўкі.
Пасля абясшкоджвання дрон разабралі, а ягоныя часткі адправілі на судова-тэхнічную экспертызу.
Дрон упаў у раёне вайсковага палігона Гайжуны ў Янаўскім раёне Літвы. Гэта адбылося 28 ліпеня, але знайшлі беспілотнік толькі праз чатыры дні — 1 жніўня.
Гэта ўжо другі падобны выпадак за апошнія тыдні. 10 ліпеня яшчэ адзін дрон, мадэлі Gerbera, таксама перасёк мяжу з боку Беларусі. Паводле слоў Ніды Грунскене, ёсць падставы меркаваць, што і апошні дрон можа быць той жа мадэлі.
Узброеныя сілы Літвы падазраюць, што гэтыя дроны могуць быць звязаныя з расійскімі аперацыямі і былі збітыя з курсу ўкраінскімі сістэмамі радыёэлектроннай барацьбы, калі накіроўваліся ў бок Украіны. Але расследаванне працягваецца і іншыя версіі таксама не адкідваюцца.
Інцыдэнты выклікалі трывогу ў Літве адносна бяспекі паветранай прасторы краіны.
Прылёт дрона з Беларусі ў Літву расследуюць як эпізод ваенных злачынстваў
Літва накіравала Беларусі ноту пратэсту з-за інцыдэнту з дронам
Як выглядае беспілотнік, які сёння знайшлі ў Літве ФОТА
Жыхар Вільні сцвяржае, што зняў панядзелкавы дрон на паўночным захадзе сталіцы
Камандарм Літвы: Можа быць і так, што ніякі аб'ект у Літву з Беларусі і не залятаў
НАТА «ўважліва сочыць за сітуацыяй» з дронам у паветранай прасторы Літвы
Як дроны залятаюць з Беларусі ў Літву? У iSANS расказалі, што вядома
Разведка ЗША: Беларусь стала перадавым вайсковым плацдармам Расіі24
Каментары