Беларус знайшоў манету I стагоддзя. Ці можна на ёй узбагаціцца?
У рэдакцыю выдання «Анлайнер» даслалі фота старажытнай манеты, якая, па словах уладальніка, датуецца I стагоддзем нашай эры. Журналісты звярнуліся да эксперта, каб высветліць, ці сапраўды перад намі каштоўная знаходка — і колькі яна можа каштаваць сёння.
Мяркуючы па фота, манета — не проста старадаўні плацежны сродак, а яшчэ музейны экспанат, які адсылае да часоў Рымскай імперыі.
Чытач, які даслаў здымкі, паведаміў наступнае:
«Усё, што пра яе ведаю, — гэта чаканка часоў дынастыі Ціта, 79-81 год н. э. Манета была выпушчаная ў гонар яго дачкі Юліяны».
Каб разабрацца ў сапраўднасці і магчымым кошту манеты, «Анлайнер» звярнуўся па каментар да навуковага супрацоўніка Акадэміі навук Усевалада Юргенсона.
«Гэта сапраўды рымскі дэнарый — срэбраная манета перыяду кіравання імператара Ціта (79 год н. э.). Такія асобнікі сустракаюцца нячаста, асабліва калі яны добра захаваліся.
У ідэальным стане манета магла б каштаваць больш за 1000 даляраў. Аднак тут мы бачым моцны знос, дрэнную чытальнасць партрэта і надпісаў. Таму рэальны рынкавы кошт гэтай манеты, хутчэй за ўсё, складае 200-300 рублёў і бліжэйшы да ніжняга парога». — адказаў спецыяліст.
Цяпер чытаюць
Коля Лукашэнка скончыў універсітэт — ці трапіць ён пад бліжэйшы прызыў у армію ці зможа адкасіць?19
Каментары