Новы мост з боку рынку Ждановічы ўвойдзе ў тройку самых доўгіх у Мінску
Якім будзе пуцеправод, які злучыць два раёны сталіцы, Мінск-Навінам расказаў начальнік будаўнічага аддзела прадпрыемства «Мінскінжпраект» Юрый Лаўрыновіч.
Пачалася праца над праектам новага ўчастка вул. Калеснікава — ад вул. Люцынскай да вул. Ціміразева — з аўтамабільным пуцеправодам над чыгункай. Гэта транспартная развязка злучыць Цэнтральны і Фрунзенскі раёны сталіцы.
Пакуль жа з Масюкоўшчыны, Дамброўкі і Каменнай Горкі да рынку Ждановічы і жылой забудовы ў Лебядзіным можна дабрацца на аўтамабілі толькі праз МКАД або зрабіўшы яшчэ большае кола праз другое транспартнае кальцо. Узвядзенне новага ўчастка вул. Калеснікава вырашыць гэтую праблему і дазволіць лёгка перамяшчацца з аднаго раёна ў другі.
Новы мост
Зараз канчаткова прапрацоўваюцца інжынерныя рашэнні, таму можна гаварыць толькі пра папярэдні варыянт, аднак агульныя рысы ўжо вымалёўваюцца. Аўтамабільны мост плануецца ўзвесці з жалезабетонных зборных бэлек і зборна-маналітных апор. Усяго 11 пралётаў з бэлькамі па 33 м і адзін пралёт — 18 м. Спатрэбіцца 13 апор.
Агульная даўжыня канструкцыі перавысіць 380 м, шырыня будзе вар’явацца ад 41,3 да 47,8 м (па тры паласы ў кожным напрамку, а таксама дадатковыя палосы).
— Паколькі з боку вул. Ціміразева скрыжаванне размесціцца блізка да пуцеправода, неабходна на самым мосце арганізаваць дадатковыя паласы для права– і левапаваротных з’ездаў. Адсюль і розная шырыня, — патлумачыў начальнік будаўнічага аддзела «Мінскінжпраекта».
Праезную частку ад тратуараў аддзяляць парапетнай жалезабетоннай агароджай.
Ю. Лаўрыновіч удакладніў: і самі канструкцыі, і тэхналагічны працэс прадугледжваюць мінімальнае ўмяшанне ў сістэму чыгункі і існуючую забудову. Плошча пад пуцеправодам з боку рынку Ждановічы будзе свабоднай, там можна арганізаваць праходы, праезды, нават месцы для гандлю.
Новы пуцеправод увойдзе ў тройку самых працяглых у сталіцы, нароўні з размешчаным на праспекце Жукава над станцыяй Мінск-Сартавальны (даўжыня — каля 460 м) і на скрыжаванні праспектаў Дзяржынскага і Жукава (458 м).
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
(Дарэчы, пра тое трохі ёсць і ў арыгінальным артыкуле).
Я пра ўсе ўчасткі, не толькі пра гэты. У артыкуле самі прызнаюць недахоп яшчэ 4 (усяго 5).
Калі толькі пра гэты, то Глебкі ў 1974 ужо існавала, а Вяснянку праектавалі з 1978 г. Трэцяе кальцо, часткай якога з'яўляецца згаданы пуцеправод, было ў генпланах мінімум з 1985 (па адной з крыніц, нават 1965). Сам пераезд у тым месцы быў з самага пачатку чыгункі.
Праблема транспартных кольцаў у Мінску - старая, горадабудаўнікі дзесяцігоддзямі іх зводзяць, а тыя "не зводзяцца".
Вашыя словы пра клопат улады я не разумею: ці то такі здзек замаскіраваны, ці то наіўнасць.