Сем выпускнікоў аднаго каледжа пакаралі за адмову ад працы па размеркаванні
З пачатку 2025 года сем выпускнікоў Клічаўскага аграрна-тэхнічнага каледжа, якія адмовіліся працаваць па размеркаванні, былі прызнаныя вінаватымі судом і павінны вярнуць за навучанне агульную суму больш за 42 тысячы рублёў.
Як паведаміла Генеральная пракуратура, у большасці выпадкаў выпускнікі не адпрацавалі абавязковы тэрмін з-за звальнення па сваёй віне — напрыклад, з-за прагулаў.
У адным з выпадкаў студэнт падпісаў дамову на мэтавую падрыхтоўку з каледжам і ўпраўленнем сельскай гаспадаркі Бабруйскага райвыканкама. Пасля заканчэння вучобы яго накіравалі працаваць слесарам у сельскагаспадарчую арганізацыю на тры гады. Аднак праз кароткі час яго прызвалі ў войска, і пасля службы ён на працу не вярнуўся. У выніку пракурор Клічаўскага раёна падаў у суд і запатрабаваў спагнаць з яго амаль 10 тысяч рублёў.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў3
Каментары