Арганізатар байдарачных сплаваў расказаў, што стаіць на перашкодзе турызму, апрача прусакоў у гатэлях
Нядаўна Аляксандр Лукашэнка раскрытыкаваў беларускія гатэлі за кепскі стан нумароў, асабліва за «прусакоў на сценах», і заявіў пра неабходнасць кардынальных змен у турыстычнай сферы. Ён правёў нават адмысловую нараду з кіраўніцтвам Савета Міністраў, дзе абмяркоўвалася рэформа кіравання галіной. На разважанні чыноўнікаў хутка адрэагаваў у адмысловым відэа блогер Павел, арганізатар байдарочных сплаваў на Палессі, заўважыла BGMedia.
Павел адзначыў, што турызм у Беларусі не развіваецца праз вялікую колькасць забарон і бюракратычныя перашкоды.
Паводле яго слоў, у краіне няма сапраўднага гасцявога сэрвісу: у адрозненне ад Грузіі, дзе турыста могуць накарміць проста ў вёсцы на хатняй кухні, у Беларусі адкрыць маленькую кавярню або хатні рэстаран складана праз санітарныя нормы і рэгуляцыі.
Блогер расказаў, што ўжо два гады спрабуе адкрыць глэмпінг у Воложынскім раёне, але справа стаіць на месцы з-за адмовы чыноўнікаў падпісваць дакументы. Ён таксама адзначыў, што ў Беларусі недаступны доступ да азнаямлення з унікальнымі традыцыямі, якія маглі б стаць турыстычнымі «фішкамі», напрыклад, бортніцтва ці пчалярства на Палессі. Прыватныя майстры не могуць паказваць гэтыя заняткі турыстам без спецыяльных дазволаў.
Павел звярнуў увагу і на праблему пустых і разбураных будынкаў, якія можна было б выкарыстоўваць пад турыстычныя аб’екты, але бюракратыя перашкаджае іх арандаваць або пераабсталёўваць.
Ён лічыць, што ў вясковых раёнах не варта абмяжоўвацца продажам дамоў за базавую адзінку: лепш прадаваць праз аўкцыён, але прыбраць абмежаванні на прызначэнне будынкаў, каб людзі маглі ствараць адукацыйныя ці турыстычныя аб’екты.
Павел падкрэсліў, што развіццё турызму магчымае толькі пры супрацоўніцтве дзяржавы і прыватнага бізнэсу, калі ініцыятывы людзей будуць пачутыя і падтрыманыя.
Ён адзначыў, што трэба ствараць цікавыя маршруты і праграмы для турыстаў, каб людзі не толькі прыязджалі ў Беларусь, але і ведалі, чым будуць займацца кожны дзень.
Каментатары пад відэа Паўла адзначалі, што дзяржава душыць бізнэс праз забароны і падаткі, што перашкаджае развіццю агратурызму і іншых ініцыятыў.
Многія ўпэўненыя, што беларускі турызм можа быць канкурэнтаздольным і цікавым, але для гэтага трэба зменшыць бюракратыю, прыбраць лішнія забароны і пачаць плённае супрацоўніцтва з прыватным бізнэсам.
Лукашэнка загадаў чыноўнікам павыводзіць з гатэляў прусакоў
Функцыі рэгулятара ў турсферы прапануюць перадаць ад Мінспорту Нацыянальнаму агенцтву па турызме
«Гарачых тураў сёлета няма і не будзе». Адпачынак на моры стаў для беларусаў даражэйшым, але попыт усё адно высокі
Колькі каштуе адпачынак на Мальдывах для беларусаў?
«Беларускім Мальдывам» пад Ваўкавыскам могуць даць ахоўны статус
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары
" праз санітарныя нормы і рэгуляцыі."
Крытыкую нн:
слова "рэгуляцыя"- гэта аборт на пачатковых ступенях цяжарнасьці. Памылак вашыя аўтары дапускаюць заўжды шмат, таму вучыцеся, бо проста ганьба.