У міліцыю звярнулася 84-гадовая жыхарка Гродна, якая стала ахвярай махляроў. Яна паведаміла, што пасля тэлефоннай размовы з ілжэміліцынерамі, якія сказалі ёй, што неабходна задэклараваць зберажэнні, перадала прыбыламу пасыльнаму каля 65 тыс. рублёў.
Аператыўнікі крымінальнага вышуку Гродзеншчыны ўстанавілі асобу кур’ера. Ім аказаўся 19-гадовы жыхар суседняй краіны, які па заданні куратара напярэдадні прыехаў у Беларусь для падпрацоўкі, паведамляе прэс-служба МУС.
Маладога чалавека затрымалі ў Гомелі, у яго было канфіскавана амаль 30 тыс. Астатняе ён патраціў на асабістыя патрэбы, бо не збіраўся аддаваць выкрадзенае наймальнікам.
Следчыя завялі крымінальную справу за махлярства. Фігуранту пагражае да 12 гадоў пазбаўлення волі. Правяраецца яго датычнасць да іншых аналагічных злачынстваў.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары