«Зуб не бралі, бо адсутнічала галава». Судмедэксперты расказалі, як ідэнтыфікуюць вернутыя Расіяй целы ўкраінскіх вайскоўцаў
У сярэдзіне ліпеня на Палтаўшчыну прывезлі тысячу целаў украінскіх абаронцаў, якіх Расія перадала ў межах чарговай рэпатрыяцыі. Целы дастаўлялі ў вагонах-халадзільніках, бо мясцовы морг не можа змясціць такую колькасць. Таму ўсе работы — агляд, адбор узораў і фіксацыя — вядуцца проста каля чыгункі, у палявых умовах, піша выданне «Слідство-Інфо».
На месцы працуе сем груп, у склад якіх уваходзяць следчыя, крыміналісты, судмедэксперты і выбухатэхнікі. Спачатку яны правяраюць, ці няма ў мяшках выбухоўкі, апісваюць целы (пол, рост, абутак, камуфляж) і прысвойваюць кожнаму індывідуальны нумар. Часам у адным мяшку аказваюцца фрагменты розных людзей, і гэта патрабуе асаблівай увагі, каб пазбегнуць памылак падчас ідэнтыфікацыі. З усёй тысячы целаў толькі ў аднаго вайскоўца знайшлі гранату без запала.
Наступны этап — адбор генетычнага матэрыялу. Звычайна гэта зубы, пазногці, валасы, а пры неабходнасці — фрагменты костак. Судмедэкспертка Віталіна Мароз тлумачыць, што бываюць выпадкі, калі атрымаць узоры вельмі цяжка, напрыклад, праз моцнае абвугленне пасля выбухаў. Яна апісала прыклад:
«Зуб не бралі, бо адсутнічала галава — узялі толькі пазногці са ступняў».
Усе ўзоры змяшчаюць у асобныя кантэйнеры з нумарацыяй. Калі сваякі ўжо здалі свае ўзоры ДНК, то пасля экспертызы іх супаставяць, і ў выпадку супадзення сям’я зможа атрымаць цела для пахавання. Часам даводзіцца браць матэрыял паўторна, калі першы аналіз не дае выніку.
У суседняй палатцы праводзяць медагляд целаў: робяць фота, фіксуюць асаблівасці — зубы, валасы, бараду, элементы адзення. Экспертка Галія Мустафіна адзначае, што гэтыя даныя вельмі важныя: яны дапамагаюць сваякам пацвердзіць, што цела сапраўды належыць іх блізкаму, а не толькі давярацца «лічбам у выніку ДНК-тэсту».
Пасля ўсіх працэдур целы вяртаюць у вагоны-рэфрыжэратары да моманту канчатковай ідэнтыфікацыі і перадачы родным.
Ва Украіну вярнулі целы яшчэ тысячы загінулых
У Кіеве пахавалі ўкраінскую журналістку, якая загінула ў расійскім палоне
Чаму расіяне аддалі ўкраінцам целы забітых, а тыя — не?
Ва Украіну вярнулі яшчэ 1245 целаў загінулых
МУС Украіны: Расія разам з целамі ўкраінскіх вайскоўцаў перадае і расійскіх
«Да гэтага часу не веру, што выжыў». Расповед адзінага выжылага ў катастрофе самалёта Air India, які разбіўся ў Ахмедабадзе
Каментары