3 верасня з калоніі агульнага рэжыму ў Наваполацку выйшаў на свабоду жыхар Рэчыцы і грамадзянін Украіны Ігар Жывалун, прызнаны праваабаронцамі палітвязнем. Ён цалкам адбыў прызначаны яму тэрмін — 2,5 года зняволення, піша «Гомельская вясна».
У студзені 2024 года суддзя Гомельскага абласнога суда Яўген Шаршнёў асудзіў Ігара Жывалуна па артыкуле аб «садзейнічанні экстрэмісцкай дзейнасці». Як і ў многіх падобных выпадках, нагодай для пераследу стала падтрымка ініцыятыў салідарнасці і перадача інфармацыі, якую ўлады прызналі «экстрэмісцкай».
Ігар Жывалун родам з Сумшчыны ва Украіне. Пасля пачатку поўнамаштабнага ўварвання Расіі і акупацыі ягонага мястэчка Недрыгайлаў ён актыўна публікаваў у фэйсбуку звесткі пра зніклых ва ўмовах вайны, антываенныя паведамленні і інфармацыю пра ўдзел беларусаў у абароне Украіны.
У кастрычніку 2023 года яго ўпершыню затрымалі і на 15 сутак змясцілі за краты нібыта за распаўсюд «экстрэмісцкіх матэрыялаў» — фактычна за рэпосты пастоў тэлеканала «Белсат». Неўзабаве Міністэрства ўнутраных спраў уключыла яго ў «спіс экстрэмістаў».
26 ліпеня 2024 года беларускія праваабарончыя арганізацыі прызналі Ігара Жывалуна палітычным зняволеным. Увесь тэрмін ён правёў у калоніі №1 у Наваполацку.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары