У Польшчы затрымалі беларуса, які хацеў пераслаць амаль паўкілаграма наркотыкаў
У Варшаве супрацоўнікі крымінальнага аддзела раёна Макотаў затрымалі 21-гадовага мужчыну, які спрабаваў пераслаць наркатычныя і псіхатропныя рэчывы іншай асобе праз пасылкавую службу.
Затрыманне адбылося, калі мужчына спрабаваў адправіць пасылку з наркотыкамі праз паштамат. Таксама ў яго была з сабой марыхуана.
Пры правядзенні іншых службовых мерапрыемстваў паліцэйскія звярнулі ўвагу на падазронага мужчыну каля паштамата. Калі ён заўважыў, што за ім назіраюць, то паставіў пасылку ў адну з ячэек і паспрабаваў уцячы, але беспаспяхова. Калі паліцэйскія затрымалі яго, мужчына адмовіўся адказваць на пытанні, называць імя або месца жыхарства. У яго заплечніку знайшлі высушаную раслінную масу зялёна-бурага колеру.
Далейшыя дзеянні паказалі, што затрыманы — 21-гадовы грамадзянин Беларусі. Пасылку, якую ён спрабаваў адпраўляць, паліцэйскія адкрылі і канфіскавалі. У ёй знаходзілася амаль 400 грам наркатычных і псіхатропных рэчываў, уключаючы каноплі, 4-MCM, α-PVP, MDMA і LSD.
Мужчыну абвінавацілі ў валоданні наркотыкамі і ў спробе перадачы іх у значнай колькасці іншай асобе. Яму пагражае да 8 гадоў пазбаўлення волі. Цяпер жа беларус змешчаны пад часовы арышт.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары