Як стварыць радавод ці справіцца са стрэсам? Пачынаецца набор на бясплатныя анлайн-курсы
Далучыцца да курсаў «Нацыі лідараў» бясплатна можа кожны ахвотны. На занятках мінімум тэорыі — усё скіравана на практыку.
Адукацыйны хаб «Нацыі лідараў» запрашае на заняткі па радаводзе, псіхалагічнай устойлівасці, эфектыўным планаванні, стварэнні супольнасцяў і іншыя.
Усе курсы бясплатныя, а навучанне арганізавана анлайн: удзельнікі вывучаюць тэмы па відэалекцыях ці тэкставых канспектах, абмяркоўваюць іх на вэбінарах з выкладчыкамі і выконваюць практыкаванні, каб навучыцца выкарыстоўваць веды на практыцы.
Выпускнікам мінулых набораў асабліва падабаецца тое, што навучанне ў «Нацыі лідараў» — надзвычай практыкаарыентаванае, з мінімумам тэорыі.
Цяпер ідзе набор на два курсы, у бліжэйшы час можна будзе запісацца на яшчэ тры. У Беларусі медыярэсурсы ініцыятывы прызнаныя «экстрэмісцкім фарміраваннем», таму навучанне падыдзе перш за ўсё тым, хто жыве за мяжой.
«Суполка NEXT». Рэгістрацыя: з 29 верасня па 5 кастрычніка
Курс па стварэнні і развіцці супольнасцяў — як аб’ядноўваць людзей, пераадольваць канфлікты і крызісы, развіваць лідарства.
За шэсць тыдняў удзельнікі разбяруць, як фарміраваць суполку ад самага пачатку і давесці яе да пастаяннай і сістэмнай працы.
Старт курса: 6 кастрычніка. Падрабязнасці тут.
«Мэта. План. Вынік». Рэгістрацыя: з 29 верасня па 12 кастрычніка
Гэтая праграма дапаможа ўсім, хто мае планы, але на іх рэалізацыю нестае фокусу і сіл. На курсе пакажуць, што прадуктыўнасць — гэта не марафон на знос, а ясныя мэты і кароткі план.
За чатыры тыдні ўдзельнікі выбудуюць для сябе рэалістычны план па дасягненні асабістай мэты, авалодаюць тэхнікамі па зберажэнні фокусу, энергіі і часу, а таксама навучацца берагчы сябе ад выгарання і заўважаць прагрэс сваіх дзеянняў.
Старт курса: 13 кастрычніка. Падрабязнасці тут.
«Гендар з нуля». Рэгістрацыя: з 13 па 26 кастрычніка
Курс па разуменні гендарных роляў у грамадстве, які дапаможа вызваліцца ад стэрэатыпаў і будаваць паважлівыя і раўнапраўныя адносіны — дома, на працы і ў супольнасці.
За два месяцы ўдзельнікі пабачаць, як звыклыя гендарныя ролі ўплываюць на іх, заўважаць стэрэатыпы і навучацца не паддавацца іх уплыву.
Старт курса: 27 кастрычніка. Падрабязнасці тут.
«Радавод». Рэгістрацыя: з 27 кастрычніка па 9 лістапада
Навучанне на курсе «Радавод» дапаможа крок за крокам аднавіць сямейнае дрэва: ад патрэбных размоў са сваякамі і аналізу сямейных фотаздымкаў да эфектыўнай працы ў архівах. Удзельнікам раскажуць пра розныя шляхі да пошуку і збору інфармацыі, а таксама пра тое, як захоўваць сабраныя звесткі самым зручным чынам.
За два месяцы праграмы ўдзельнікі складуць уласнае генеалагічнае дрэва і адчуюць сваю сувязь з продкамі, якую можна будзе перадаць і дзецям.
Старт курса: 10 лістапада. Падрабязнасці тут.
«Ад выгарання да рэсурсу». Рэгістрацыя: з 24 па 30 лістапада
Курс дапаможа зразумець свой стан і справіцца з трывогамі і стрэсамі. Выкладчыкі праграмы раскажуць, як змагацца з апатыяй, стомай, раздражняльнасцю ці стратай інтарэсу да жыцця.
За тры тыдні ўдзельнікі навучацца выбудоўваць унутраныя апоры, клапаціцца пра сябе і здабываць энергію.
Старт курса: 1 снежня. Падрабязнасці тут.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца3
Каментары
1. Зачем сокращать ссылки через bit.ly? Кто-то увидит ссылку на разрешенный ресурс (bit.ly не запрещен, не так ли?), перешлет другу в Беларуси, тот зайдет по редиректу без vpn, зарегится... дальше продолжать? Или считаете, что тут каждый параноик, каким стоило бы быть в этом случае, и будет через wheregoes проверять?
2. Способ общения по теме курса какой? Праааавильно, телеграм чатик - наше все. После такого кол-ва прое..в с телегой даже очень осторожных людей вроде Мотольки. Почему бы не обычный анонимный форум, как это есть на эдексе-курсере-...?
3. Зум-вебинар можно посмотреть в записи... да только они не успевают их выкладывать на следующий день до того, как надо бы приступать к новым заданиям. А точно эти люди могут учить планированию? В зуме смотреть - извините, не настолько им доверяю. Да и ради чего.
4. Ради интереса распросите, что они вчера утворили с некоторой информацией по аккаунтам записавшихся на один из курсов. Они поймут, о чем речь.
Плюс - информация не эксклюзивная, но собрана и структурирована, это важно для разгильдяев как я. Я бы предпочел без 80% воды и случаев из жизни, как это дается на англоязычных ресурсах, но тут у всех свои предпочтения.