Санаэ Такаічы абрана старшынёй Ліберальна-дэмакратычнай партыі Японіі.
64‑гадовая палітык перамагла свайго суперніка Сіндзіра Кайзумі, у другім туры выбараў кіраўніка ЛДП, піша The Guardian.
Такаічы, магчыма, стане першай жанчынай —прэм’ер-міністрам Японіі.
Калі кандыдатаў на лідарства ў кіруючай Ліберальна-дэмакратычнай партыі Японіі запрасілі падчас дэбатаў сказаць некалькі слоў па-англійску, Санаэ Такаічы зрабіла свой выступ кароткім: «Japan is back».
У адрозненне ад многіх яе нядаўніх папярэднікаў, Такаічы не мае гарантыі заняць пасаду прэм’ера, калі парламент збярэцца 15 кастрычніка. ЛДП і яе малодшы кааліцыйны партнёр Камэйта страцілі большасці ў абедзвюх палатах за апошні год і будуць вымушаныя абапірацца на галасы апазіцыі для зацвярджэння Такаічы — хаця назіральнікі лічаць, што гэта практычна гарантавана.
Санаэ Такаічы называе Маргарэт Тэтчэр сваёй натхняльніцай
Хто б ні стаў наступным прэм’ерам Японіі, яму давядзецца пераадольваць цяжкасці.
Такаічы мае ідэалагічную сувязь з былым прэм’ерам Сіндза Абэ, які быў забіты ў 2022 годзе, і падзяляе яго рэвізіянісцкія погляды на паводзіны Японіі ў часы вайны — пазіцыя, якая можа выклікаць напружанасць з суседзямі Японіі.
Яна раней узначальвала Міністэрства ўнутраных спраў і пайшла на выбары з экспансіянісцкай эканамічнай праграмай. Такаічы таксама выступала за перагляд гандлёвай дамовы з Трампам. Яна прапаноўвала перагледзець канстытуцыю краіны, заключыць «квазісаюз бяспекі» з Тайванем.
Цяпер чытаюць
Арына Сабаленка выйшла да мінчукоў у атачэнні васьмі ахоўнікаў ВІДЭА26
Каментары
тэтчэр абдзяліла самых безабаронных, то бок толькі што нарадзіўшых жанчын
вот это пример для подражания