У ноч на 5 кастрычніка Расія нанесла па тэрыторыі Украіны маштабны камбінаваны ўдар, запусціўшы больш за 50 ракет і каля 500 ударных беспілотнікаў. Пра гэта паведаміў прэзідэнт Украіны Уладзімір Зяленскі ў фэйсбуку.
Пад атакай апынуліся Львоўская, Івана-Франкоўская, Запарожская, Чарнігаўская, Сумская, Харкаўская, Херсонская, Адэская і Кіраваградская вобласці.
Паводле папярэдніх звестак, загінулі пяць чалавек, яшчэ дзесяць атрымалі раненні. Асабліва цяжкія наступствы ўдары мелі на Львоўшчыне, дзе ў выніку трапляння ракет і беспілотнікаў загінулі чатыры чалавекі.
Зяленскі падкрэсліў, што расійскія войскі мэтанакіравана білі па інфраструктуры, якая забяспечвае жыццё мірных грамадзян. Ён звярнуўся да міжнародных партнёраў з заклікам павялічыць дапамогу і ўмацаваць супрацьпаветраную абарону Украіны.
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары