Міністр вайны ЗША Піт Хегсет падчас сустрэчы з калегамі з іншых заходніх краін у фармаце «Рамштайн» падкрэсліў, што для стрымлівання расійскай агрэсіі крытычна важныя баяздольная ўкраінская армія і моцнае НАТА пад кіраўніцтвам еўрапейскіх саюзнікаў.
Піт Хегсэт адзначыў, што самым эфектыўным стрымліваннем расійскай агрэсіі з'яўляюцца:
- смертаноснае, баяздольнае і кіраванае Еўропай НАТА;
- баяздольная, і надзейная ўкраінская армія, здольная абараніць сябе і працягваць стрымліваць расійскую агрэсію ўздоўж межаў НАТА.
Амерыканскі міністр таксама дадаў, што прынцып «мір праз сілу» застаецца ключавым для завяршэння вайны ва Украіне.
«Пад непахісным кіраўніцтвам прэзідэнта Трампа і, у прыватнасці, з нашымі еўрапейскімі саюзнікамі мы пакладзем канец вайне ва Украіне. Вайна павінна скончыцца», — сказаў Хегсэт.
Кіраўнік Пентагона заклікаў саюзнікаў працягваць фінансаванне ініцыятывы PURL (Prioritized Ukraine Requirements List), якая дазваляе еўрапейскім краінам аплачваць амерыканскае ўзбраенне для Украіны, уключаючы высокатэхналагічныя сістэмы СПА, артылерыю, супрацьтанкавую зброю і боепрыпасы.
«Калі гэты канфлікт не скончыцца, калі не з'явіцца шлях да міру ў кароткатэрміновай перспектыве, ЗША разам з саюзнікамі распачнуць крокі, каб ускласці выдаткі на Расію», — сказаў Хегсэт.
Трамп: Міру ва Украіне дасягнём праз сілу
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
Вядучыя сусветныя СМІ адмовіліся падпісвацца пад новымі правіламі Пентагона. Ім пагражае пазбаўленне акрэдытацыі
У ЗША анансавалі «вялікую заяву» па пастаўках зброі Украіне
Цяпер чытаюць
Вось хто той хлопец, які паехаў на праполку бульбы і стаў героем сацсетак6
Каментары