Учора Латвія змяніла правілы перасячэння мяжы. Беларусы сутыкнуліся з першымі цяжкасцямі
З 15 кастрычніка Латвія змяніла правілы перасячэння мяжы з Беларуссю і Расіяй. Калі сцісла, то цяпер перад праходжаннем мяжы трэба рэгістравацца ў электроннай чарзе. Паслуга платная (9,3 еўра). Анлайн-браніраванне адбываецца праз пэўны сайт. Але, як паведамляе адзін з нашых чытачоў, у першы ж дзень дзеяння новаўвядзення ён сутыкнуўся з праблемай, піша Onliner.
— Фактычна сітуацыя на мяжы Латвія — Беларусь (памежны пераход «Патэрніекі») такая: па жывой чарзе, без рэгістрацыі ў сістэме браніравання, не прапускаюць. Аднак найбліжэйшая дата для браніравання толькі праз тыдзень, 22 кастрычніка.
Атрымліваецца, што на мяжы няма ніводнай машыны, але хто прыехаў без броні — тых не прапускаюць памежнікі і адпраўляюць у электронную чаргу, згодна з якой найбліжэйшая даступная дата — толькі праз тыдзень. Маё меркаванне: латвійскі бок фактычна закрыў мяжу.
Пераходзім на сайт з анлайн-броняй у чарзе на мяжы. І сапраўды: найбліжэйшае даступнае «акенца» — 03:00—04:00 22 кастрычніка.
Ці ўсе астатнія даты разабралі? Невядома. Згодна з сайтам ДПК, чарга ў пункце пропуску «Грыгароўшчына» па стане на 10:00 16 кастрычніка — 0 машын.
У тэматычных чатах карыстальнікі таксама скардзяцца на адсутнасць часовых слотаў у сістэме анлайн-браніравання. У адказ ім рэкамендуюць ехаць праз Літву.
Латвія забараніла ўезд легкавых аўтамабіляў з беларускай рэгістрацыяй з 16 ліпеня 2024 года. А з 1 студзеня 2025 года аўтамабілі, зарэгістраваныя за межамі Еўрапейскага саюза, Еўрапейскай эканамічнай зоны і Швейцарыі, павінны быць задэклараваныя анлайн перад уездам у Латвію.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары