Беларуска Вера Краўцова, якую забілі ў М'янме, вылецела з Тайланда добраахвотна
Іміграцыйнае бюро Тайланда абвергла паведамленні пра тое, што 26‑гадовая беларуска Вера Краўцова, якая прыехала ў Бангкок для працы, была змушаная паехаць у М’янму, дзе яе нібыта забіла махлярская банда, якая затым прадала яе органы на чорным рынку.
Прэс-сакратар Іміграцыйнага бюро, палкоўнік паліцыі Медж Ген Чангрон Рымпадзі кажа, што Краўцова не была «змушаная» перасякаць мяжу з М’янмай з тэрыторыі Тайланда, піша Bangkok Post.
Яна прыбыла ў аэрапорт Суварнабхумі 14 верасня і пазней пакінула краіну рэйсам Thai Airways TG 301 у Янгон (М'янма) а 7:20 раніцы 20 верасня, сказаў Пал Медж Ген Чонгрон.
Яна прайшла праз іміграцыйны кантроль Тайланда праз аўтаматычны канал самастойна, і кадры відэаназірання не паказваюць ніякіх прыкмет прымусу ці ціску з боку іншых асоб.
«Вядомыя жорсткія падзеі адбыліся пасля таго, як мадэль вылецела ў М’янму, — сказаў Пал Медж Ген Чонгрон. — Тайская паліцыя не ведае, што там адбылося, бо гэта выходзіць за межы нашых паўнамоцтваў».
Іміграцыйная паліцыя таксама перадала доказы прыбыцця і вылету маладой жанчыны ў консульства Беларусі ў Тайландзе.
Пра знікненне Веры Краўцовай стала вядома 15 кастрычніка. Расіянка, якая змагла выбрацца з рабства, паведаміла, што Вера прыляцела ў Бангкок на працу, але апынулася ў скам-цэнтры ў М'янме. Сувязь з ёй знікла 4 кастрычніка. Сцвярджалася, што дзяўчыну нібыта прадалі на органы.
16 кастрычніка расійскае РЕН ТВ са спасылкай на крыніцу паведаміла, што Вера Краўцова знойдзена мёртвай. Па папярэдніх даных рэсурсу, смерць мела крымінальны характар.
Што вядома пра 26‑гадовую беларуску Веру, якую прадалі на органы ў М'янму
Сяброўка пра забітую ў М'янме беларуску: Яна была вельмі наіўная і шчыра верыла ў людзей
Скам-фабрыкі ў М'янме — што гэта і як працуюць. На адну з такіх, верагодна, вывезлі і беларуску Веру
Зніклую ў М'янме Веру Краўцову знайшлі мёртвай
Каментары