Са снежня ў Беларусі запрацуе «фінансавы маркетплэйс» з акцыямі і аблігацыямі дзяржаўных прадпрыемстваў
Карыстальнікі змогуць адкрываць рахункі для аперацый на фінансавым рынку, а таксама пераводзіць сродкі на гандлёвы рахунак на маркетплэйсе для пакупкі акцый і аблігацый, піша «Эканамічная газета».
Старшыня праўлення Беларускай валютна-фондавай біржы Андрэй Аўхіменя, выступаючы на XXI Міжнародным форуме па банкаўскіх інфармацыйных тэхналогіях «Банкіт — 2025», распавёў пра запуск новага праекта — нацыянальнага фінансавага маркетплэйса.
Па яго словах, дзякуючы маркетплэйсу прадпрыемствы змогуць прасцей прыцягваць інвестыцыі для развіцця свайго бізнэсу, а грамадзяне — інвеставаць свае сродкі і атрымліваць дадатковы даход.
Назву новай платформы стваральнікі пакуль не раскрываюць. Плануецца, што яна пачне працаваць з 15 снежня. Ужо на старце на ёй будуць размяшчаць акцыі і аблігацыі беларускіх прадпрыемстваў. У будучыні на маркетплэйсе будуць прадстаўлены і прадукты фінансавых арганізацый.
Пытанне цэн на паслугі маркетплэйса яшчэ канчаткова не вырашана, дадаў ён.
«Камісіі будуць, але ці будуць яны ставіцца на нашых грамадзян, мы пакуль не вызначыліся», — сказаў Аўхіменя.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары