Гэта, магчыма, будзе зроблена для барацьбы з наркакартэлямі.
ЗША рыхтуюцца пачаць сухапутную ваенную аперацыю ў Венесуэле, заявіў прэзідэнт ЗША Дональд Трамп.
Пра гэта ён сказаў на пасяджэнні, прысвечаным разгляду прамежкавых вынікаў абвешчанай Белым домам «вайны з наркакартэлямі».
Раней Трампа пыталі, ці хацеў бы той змены рэжыму ў Венесуэле.
«Мы пра гэта не гаворым», — адказваў прэзідэнт ЗША. «Але мы гаворым пра тое, што ў [Венесуэле] прайшлі выбары, якія, мякка кажучы, былі вельмі дзіўнымі», — Трамп, маючы на ўвазе прэзідэнцкія выбары летась і абвінавачванні ў фальсіфікацыі вынікаў.
Тэлекампанія CNN паведамляла, спасылаючыся на крыніцы, што Трамп разглядае мноства варыянтаў нанясення ваенных удараў па наркакартэлях, якія дзейнічаюць у Венесуэле, уключаючы магчымы ўдар па цэлях унутры краіны ў рамках больш шырокай стратэгіі, накіраванай на паслабленне прэзідэнта краіны Нікаласа Мадуры.
У пачатку верасня ЗША нанеслі ўдар па судне ў міжнародных водах, якое, як заявіў Трамп, перавозіла наркотыкі ў паўднёвай частцы Карыбскага мора. Загінулі 11 чалавек, судна затанула.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён12
Каментары