З 1 лістапада ў гарадскіх маршрутках будзе магчымы безнаяўны разлік за праезд
У Беларусі з 1 лістапада ў гарадскіх маршрутках уводзіцца безнаяўная аплата за праезд. У Міністэрстве па падатках і зборах патлумачылі нюансы выкарыстання плацежных тэрміналаў, паведамляе БелТА.
Можна будзе расплаціцца не толькі карткай, але і з дапамогай любога іншага плацежнага інструмента, напрыклад, QR-кода.
«Такім чынам, выкарыстанне аднаго (ці некалькіх) плацежных сэрвісаў, напрыклад, E-POS, «Аплаці», SmartPay, Cashew, прызнаецца выкарыстаннем плацежнага тэрмінала. Для падключэння суб’екта гаспадарання неабходна заключыць дагавор з уладальнікам абранага ім электроннага плацежнага сэрвісу», — праінфармавалі ў МПЗ.
Калі карткавы плацежны тэрмінал не набываўся, то для выканання патрабаванняў заканадаўства можна выкарыстоўваць любы зручны электронны плацежны сэрвіс, які забяспечвае магчымасць безнаяўнай аплаты.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары