Грамадства66

Буйныя гандлёвыя сеткі абавяжуць мець паліцы з прадукцыяй канцэрна «Беллегпрам»

На нарадзе ў канцэрне «Беллегпрам» абмеркавалі, як павялічыць прысутнасць беларускай прадукцыі на паліцах буйных гандлёвых сетак, паведамляе БелТА.

Фота ілюстрацыйнае

Паводле дзейных на сённяшні дзень патрабаванняў, усе рознічныя крамы павінны мець у продажы тавары айчыннай лёгкай прамысловасці, аднак на практыцы гэта выконваецца не ўсюды. Крамы часта перавагу аддаюць замежным вытворцам, а беларускія тавары размяшчаюць на менш прыкметных месцах.

Нядаўна прызначаная новая старшыня канцэрна Надзея Лазарэвіч адзначыла, што доля беларускіх тавараў у вядомых сетках — «Еўраопт», «Санта», «Суседзі» — складае ўсяго 0,2% ад агульнага аб’ёму паставак, што вельмі мала. Напрыклад, Баранавіцкае вытворчае баваўнянае аб'яднанне і Аршанскі льнокамбінат за дзевяць месяцаў паставілі ў адну з найбуйнейшых сетак прадукцыі толькі на 70 тысяч рублёў, хаця штомесяц вырабляюць тавару на больш чым 8 мільёнаў рублёў.

«Важна дамовіцца пра канкрэтныя планы паставак на астатнюю частку года і падрыхтаваць прапановы па загрузцы прадпрыемстваў, развіцці паставак на 2026 год», — падкрэсліла Лазарэвіч.

У сустрэчы ўдзельнічалі і прадстаўнікі сталічных універмагаў, якія ўжо маюць досвед працы з айчыннымі вытворцамі.

Паводле слоў кіраўніцы канцэрна, «Беллегпрам» плануе ініцыяваць змены ў пастанову №74, каб у крамах плошчай больш за 500 квадратных метраў абавязкова была асобная паліца з таварамі беларускай лёгкай прамысловасці.

Асаблівую ўвагу прапануецца звярнуць на прадукцыю Добрушскага фарфоравага завода, а таксама на палатняныя вырабы, ручнікі і пледы, якія пакуль мала прадстаўленыя ў сетках.

Па выніках нарады падрыхтуюць канкрэтныя прапановы па павелічэнні продажаў айчыннай лёгкай прамысловасці ў краіне.

Каментары6

  • Запісвайце
    03.11.2025
    Неправільна.

    Трэба кожнаму чыноўніку пад падпіску 2 касцюмы набываць і паліто.
    Кожным разам, калі новая калекцыя.
    Не набыў - не атрымаў прэміі.

    І прадпрыемствы працуюць, і ўсе будуць у выканкамах моднікі і модніцы.
  • бабруйчанін
    03.11.2025
    Калі да мЕнЕджера кіраўніцтва вяяяялікай гандлевай сеткі звяртаецца пастаўшчык
    З прадажы нашага барахла атрымліваецце свой % бонус прэмію
    А " беллегпрам" нічога ні здольна прапанаваць
    Як Вы лічыце Что абярэ "менеджэр"???
    Падобная формула дзейнічала і 30 год таму))) Ведаю аб чым кажу)))
  • Tut
    03.11.2025
    А колькі адсоткаў у такіх дзяржаўных сетках як Родны кут, Белкаапсаюз, Радзівілаўскі? 0%

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць