Меркаванні2424

Чаму ўсё, за што бярэцца Лукашэнка, правальваецца

Эканаміст Дзмітрый Крук патлумачыў, чаму Лукашэнка не выратуе лёгкую прамысловасць, як і ўсё, за што ён бярэцца.

Здымак ілюстрацыйны. Фота: Reform.news

Абмяркоўваючы нядаўнія змены ў кіраўніцтве «Беллегпрама», эканаміст Дзмітрый Крук у эфіры ютуб-праекта «Обычный вечер» заўважыў, што галоўная праблема беларускай лёгкай прамысловасці — у немагчымасці канкурыраваць з Кітаем, «нават з тым узроўнем заробкаў, які ёсць у Беларусі».

«Канкурыраваць з кітайскім лёгпрамам сёння ў свеце вельмі мала хто можа. Альбо гэта павінны быць прэміяльныя брэнды, як у Італіі, і іх павінны купляць за любыя грошы, якія тады адбіваюць заробкі. Альбо трэба нейкім чароўным чынам «абараняць» унутраны рынак так, каб ён спажыў. (…) То бок агарадзіць яго тарыфамі, каб туды нічога не пранікала».

Але сапраўдная крыніца праблемы, на думку эканаміста, у жаданні Лукашэнкі захаваць галіну, якая была моцнай у часы Савецкага Саюза, насуперак сучасным рэаліям.

«Вось так у нас шмат што працуе. Тое, што было ўчора, страціць нельга. Рухацца наперад забаронена».

Гэтая логіка спараджае заганнае кола. Замест таго, каб прызнаць памылковасць ранейшых рашэнняў і стратнасць укладзеных сродкаў, чыноўнікі спрабуюць абараніць свае папярэднія рашэнні. Для гэтага яны нават, па словах Крука, прыдумалі эўфемізм «выратаваць учорашнія ўкладанні інвестыцый».

У выніку ідзе чарада памылак, якія часта наслойваюцца адна на адну. Аднак прызнаць памылкі азначае знайсці таго, хто будзе за іх адказваць. У выніку, як тлумачыць Крук, «Камволь» безвынікова «ратуюць» ужо каля 15 гадоў, і кожны раз гэта суправаджаецца фінансавымі ўліваннямі.

Дзмітрый Крук. Фота: Наша Ніва

Крук прыводзіць паказальны прыклад з уласнага досведу:

«Год 2017—2018 быў, стварылі такую міжведамасную групу (…) па рашэнні праблемы дрэнных даўгоў. І там тады адзін чыноўнік заявіў: «Праблему дрэнных даўгоў вырашыць досыць проста. Праблема ў тым, што за іх нехта павінен будзе адказаць». Ну, калі перакладаць на простую мову, павінна чалавек 10 сесці. А паколькі ніхто сядаць не жадае, вось таму праблему і вырашыць складана».

Па меркаванню Крука, зняцце Таццяны Лугіной з пасады главы «Беллегпрама» і прызначэнне яе дырэктарам «Камволя», такі ж пошук вінаватага. Само праблемнае прадпрыемства ён называе «штрафбатам» для Лугіной.

«Прызначэнне чэмпіёнаў»

Такі падыход, калі прасцей знайсці вінаватага, чым прызнаць памылковасць самой сістэмы, тлумачыцца наступствамі логікі рэжыму Лукашэнкі, якая існуе з 1990‑х гадоў. Яе Крук называе «прызначэннем чэмпіёнаў».

«Усе праграмы развіцця Беларусі, так званыя пяцігодкі, якія, па вялікім рахунку, з'яўляюцца падставай для рашэнняў на штогадовым узроўні, (…) пабудаваны на прынцыпе, што трэба вызначыць, якая галіна які ўклад забяспечыць.

Па сутнасці, дзяржава бярэ на сябе ролю такога прагрэсара са Стругацкіх: мы будзем вызначаць, куды мы павінны рухацца, і кожнаму дамо зверху даручэнне. Вось вам трэба вырасці на 15%, вам трэба вырасці на 20% і таму падобнае».

Такі метад, паводле эксперта, мог працаваць у індустрыяльную эпоху 70— 80‑х гадоў, калі галоўнай праблемай было не прадаць тавар, а вырабіць яго. Тады і нарадзіўся культ «моцнага гаспадарніка». Але ў 90‑я свет змяніўся. З развіццём тэхналогій і выхадам на арэну Кітая як «сусветнай вытворчай майстэрні» галоўнай задачай стаў не працэс вытворчасці, а пошук свайго спажыўца і канкурэнтных пераваг.

У выніку спробы «выцягнуць за вушы» лёгкую прамысловасць — гэта не што іншае, як спроба схаваць папярэднія памылкі. І гэты працэс бясконцы.

«Вось гэтая фішка, паўтаруся, але, па-мойму, яна важная (…) — «выратаваць папярэднія інвестыцыі». «Мы ж учора туды ўклалі 100 мільёнаў далараў. Як мы можам прызнаць, што яны прагарэлі? Давайце ўкладзём яшчэ 100 мільёнаў, але паспрабуем усё ж такі выратаваць першапачатковыя 100 мільёнаў». І вось гэтае балота, яно зацягвае. І вось так па коле развіваецца ўжо шмат-шмат гадоў».

Каментары24

  • ...
    21.10.2025
    Тоже мне, бином Ньютон: Что ни делает дурак, Все он делает не так.
  • Filipp
    21.10.2025
    "Чаму ўсё, за што бярэцца Лукашэнка, правальваецца"©
    Талент такі)
  • Вольга
    21.10.2025
    Проста калгассенфюрэр гэта такі антыМідас. Той дакранаўся да чагосьці - і яно ператваралася ў золата. А гэны - дакранецца - і яно ператворыцца ў яго самога.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць