Прэзідэнт Францыі Эмануэль Макрон аб'явіў пра вызваленне французскіх грамадзян Сесіль Калер і Жака Парыса, якія правялі тры гады ў іранскай турме па абвінавачаннях у шпіянажы, паведамляе Euronews.
Эмануэль Макрон у сацсетцы X напісаў:
«Вялікая палёгка — Сесіль і Жак нарэшце вызваленыя. Дзякуй усім, хто працаваў над гэтым складаным дыпламатычным пытаннем».
Вызваленне адбылося пасля інтэнсіўных перамоў паміж Парыжам і Тэгеранам, якія доўжыліся некалькі тыдняў.
Калер і Парыс былі затрыманыя ў маі 2022 года падчас турыстычнай паездкі ў Іран. Іх абвінавацілі ў шпіянажы на карысць французскіх і ізраільскіх спецслужбаў. 14 кастрычніка 2025 года іранскі суд прысудзіў Сесіль Калер 20 гадоў, а Жаку Парысу — 17 гадоў зняволення.
Макрон паведаміў, што французская пара ўжо выйшла з турмы Эвін у Тэгеране і цяпер накіроўваецца ў пасольства Францыі. Прэзідэнт Францыі назваў гэта «вялікай палёгкай і першым крокам» і падкрэсліў, што дыялог працягваецца, каб як мага хутчэй вярнуць вызваленых у Францыю.
Блізкія былых вязняў паведамілі, што пасля вынясення прысуду Сесіль і Жак былі на мяжы фізічных і псіхалагічных сілаў. Сястра Сесіль, Наэмі Калер, гаварыла, што ёй удалося пагаварыць з імі ўсяго восем хвілін па відэасувязі пад наглядам турэмнікаў і што гэта быў сапраўдны «сігнал трывогі».
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе19
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары