Грамадства11

Польскі міністр: Польшча з’яўляецца адной з галоўных мэт для беларускіх спецслужбаў

«Гэта спецыялізацыя беларусаў, і, вядома, для расейцаў гэта таксама вельмі важны напрамак», — сказаў Томаш Семоняк.

Скрыншот трансляцыі

Польшча з’яўляецца адной з галоўных мэт для беларускіх спецслужбаў. Такое меркаванне ў ранішнім эфіры RMF24 выказаў міністр — каардынатар спецслужбаў Польшчы Томаш Семоняк, паведамляе Reform.news.

«Так, мы ведаем, што, асабліва для Беларусі, Польшча з’яўляецца адной з асноўных мэт. Тамтэйшыя спецслужбы сканцэнтраваны на Польшчы. Гэта спецыялізацыя беларускіх спецслужбаў, і, вядома, для расійскіх спецслужбаў гэта таксама вельмі важны напрамак», — сказаў ён.

Ён нагадаў, што ў Польшчы затрыманыя 55 чалавек, якія падазраюцца ў супрацоўніцтве з замежнымі спецслужбамі, у тым ліку ў падрыхтоўцы дыверсій. Па яго словах, у асноўным гэта грамадзяне Украіны з усходняй часткі краіны. Іх вярбуюць праз Telegram, прапаноўваючы за выкананне заданняў сумы ў некалькі тысяч еўра.

«Гэта выключна складаная задача для службаў контрразведкі, таму што гэта не традыцыйныя агенты… Ведаю, што яны могуць нават не ведаць, для каго працуюць», — адзначыў міністр.

Па яго словах, ёсць выпадкі супрацоўніцтва з расійскімі спецслужбамі палякаў, беларусаў. Адзін з затрыманых — грамадзянін Калумбіі.

У Семоняка падчас эфіру таксама пацікавіліся, ці займаюцца польскія спецслужбы фактам прысуджэння палітыку Гжэгажу Браўну прэміі імя Эміля Чэчкі ў Беларусі. Міністр ухіліўся ад прамога адказу.

«Мы расследуем усё, што звязана з спробамі Беларусі або Расіі ўплываць на польскае грамадскае жыццё. Я магу так у цэлым адказаць на гэтае пытанне. Але Гжэгаж Браўн, калі выступае, кажа, паводзіць сябе так — не хачу яго абвінавачваць у злачынстве — але, я сказаў бы, так, быццам яго каардынуюць з-за межаў Польшчы», — сказаў Семоняк.

Ён нагадаў, што ў Гжэгажа Браўна ўжо ёсць юрыдычныя праблемы з-за раней выстаўленых супраць яго абвінавачванняў.

«Аднак, вядома, па згаданых вамі прычынах, мы ўважліва сочым за ўсім, што можа быць крыніцай натхнення з Усходу ў яго дзеяннях. Такое натхненне магчыма. Сам ён не адмаўляе гэтых розных сувязяў і кантактаў. Падобную інфармацыю можна знайсці ў інтэрнэце, але, вядома, заўсёды трэба адрозніваць дурныя, зламысныя або скандальныя погляды ад варожага натхнення», — дадаў міністр.

Каментары1

  • Наклейки PANINI
    06.11.2025
    А рыбно-молочный король из Бреста продолжает ездить в Варшаву после запрета, пане Томаш?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць